د فرانسې خبري اژانس: ټرمپ ټینګار کوي چې ۱۵مادهییزه طرحه به له ایران سره د مذاکرې بنسټ وي
د فرانسې خبري اژانس راپور ورکړی، د امریکا ولسمشر ډونالډ ټرمپ له یادې رسنۍ سره په یوه لنډه ټېلیفوني مرکه کې ټینګار کړی چې «د امریکا ۱۵مادهییزه طرحه» به له ایران سره د راتلونکو مذاکراتو بنسټ وي او دغه طرحه «د یوه اوږدمهاله تړون لپاره قوي چوکاټ» دی.
ټرمپ یادې رسنۍ ته ویلي: «موږ یو ۱۵مادهییز تړون لرو، چې په ګڼو مادو یې هوکړه شوې ده. وبه ګورو چې څه پېښېږي. وبه ګورو چې ایا پایله ورکوي که نه». د فرانسې خبري اژانس لیکلي، ټرمپ ټینګار کړی چې د هر ډول سولې په تړون کې به اټومي توکي هم شامل وي.
دا په داسې حال کې ده، چې د ایران د ملي امنیت عالي شورا په یوې بیانیه کې ټینګار کړی چې د ایران حکومت د ټرمپ ۱۵مادهییزه طرحه رد کړې او پر ځای یې یوه ۱۰ مادهییزه طرحه وړاندې کړې. د دوی په وینا؛ هغه مذاکرات چې ټاکل شوې د جمعې په ورځ پیل شي، د همدې ۱۰ مادهییزې طرحې پر بنسټ به مخته ولاړ شي.
