د تهران او واشنګټن اوربند؛ انتونیو ګرترېش له ټولو خواوو وغوښتل چې کړو ژمنو ته ژمن پاتې شي
د ملګرو ملتونو سرمنشي انتونیو ګوترېش د امریکا او ایران ترمنځ د لنډمهالي اوربند د ټینګښت هرکلی وکړ او په منځني ختیځ کې یې د روانې شخړې له ټولو ښکېلو خواوو غوښتي، چې خپلو نړۍوالو مکلفیتونو ته غاړه کېږدي.
هغه همداراز له هېوادونو وغوښتل، چې د اوربند د مادو په مراعاتولو سره په سیمه کې «یوې تلپاتې او هر اړخیزې سولې ته د رسېدو» لپاره زمینه برابره کړي. نوموړي ټینګار کړی، چې د ملکي وګړو د خوندیتوب او د انساني کړاو د کمولو لپاره د جګړې سملاسي پای ته رسول اړین دي.
انتونیو ګوترېش دارنګه د پاکستان او نورو هغو هېوادونو له هڅو مننه کړې، چې د دغه اوربند په اسانتیا کې یې رول لوبولی دی.
