شهباز شریف: ایران په اسلاماباد کې له امریکا سره په خبرو اترو کې ګډون کوي
د پاکستان لومړي وزیر شهباز شریف د ایران له ولسمشر مسعود پزشکیان سره په ټیلیفوني خبرو کې روانه اونۍ په اسلاماباد کې د تهران او واشنګټن ترمنځ د مذاکراتو د کوربهتوب خبر ورکړی.
د پاکستان د لومړي وزیر دفتر د چارشنبې په ورځ په یوه اعلامیه کې ویلي، چې شهباز شریف او د ایران ولسمشر مسعود پزشکیان د اوربند د پرمختګونو او سیمهییز ثبات په اړه ۴۵ دقیقې ټلیفوني خبرې کړې دي.
شهباز شریف د ایران لهخوا د اوربند د وړاندیز منل ستایلي دي.
د شهباز شریف دفتر ویلي، پزشکیان تاییده کړې چې ایران به له امریکا سره د اسلاماباد په کوربهتوب مذاکراتو کې ګډون وکړي.
