په تخار کې د طالبانو تر کنټرول لاندې د بدني روزنې او ورزش ریاست اعلان کړی، چې په دغه ولایت کې د شمال او شمال ختیځ زونونو څخه د ۲۰۰ چاپاندازانو په ګډون د وزلوبې درې ورځنۍ سیالۍ ترسره شوې. دغه سیالۍ د خلکو او د وزلوبې مینهوالو له تود هرکلي سره مل وې.
د لوبو تنظیموونکو د راپور له مخې؛ د دغه سیالیو په پای کې یوشمېر چاپاندازان وتوانېدل، چې خپل اهداف په بریالیتوب سره بشپړ او د یادو سیالیو جایزې ترلاسه کړي.
د دغه سیالیو د ګټونکو په نوملړ کې د صلاحالدین سمنګاني، ذکرالله تخاري، ذبیح کندوزي، سرور بلخي، شمسالله تخاري، سمیعالله تخاري، نجیبالله سمنګاني، مسعود شېرپور بغلاني، ذبیحالله درقدي، ګل محمد تخاري، سلام اېماق، عبدالرشید مطیعالله، عطارخش، عبدالرشید تخاري، شاهین، الیاس کندوزی، سمیعالله درقد، خالد تخاري او نجیبالله سمنګاني شامل دي.
دغه سیالۍ د دودیزو لوبو د ودې، د لوبغاړو ترمنځ د یووالي د پیاوړتیا او د یوې سالمې سیالۍ فضا د رامنځته کولو په موخه ترسره شوې.
