طالبانو په کندز کې د دمبورې غږولو په تور ۸ کسان نیولي
په کندز کې د طالبانو امنیه قوماندانۍ ویلي، چې د یاد ولایت د مرکز په څلورمه حوزه کې یې اته کسان د دمبورې غږولو په تور نیولي دي. طالبانو د دمبورې غږول «ناوړه غیرشرعي فعل» بللی دی.
په خبرپاڼه کې راغلي، چې له یادو کسانو څخه یوه دمبوره، یوه ارمونیه،، ټابیلټ K او چرس هم نیول شوي دي.
طالبان د موسیقۍ غږول له شرعي پلوه منع بولي او تر دې وړاندې یې هم په بېلابېلو ولایتونو کې د سیمهییزې موسیقۍ د غږولو او اورېدلو په تور ګڼ شمېر کسان نیولي دي.
په تېرو کلونو کې د طالبانو د امربالمعروف مسوولینو په عام محضر کې د موسیقۍ ګڼ الات راټول کړي او سوځولي هم دي.
