پوتین د عیسویانو د اختر «ایسټر» په مناسبت له اوکراین سره اوربند اعلان کړ

نتنیاهو د پنجشنبې په ورځ وویل، دغه خبرې به د حزب‌الله د بې‌وسلې کولو او د اسراییل او لبنان ترمنځ د سوله‌ییزو اړیکو د تنظیم پر موضوعاتو متمرکزې وي.

هغه زیاته کړه چې اسراییل د لبنان د لومړي وزیر له نننۍ غوښتنې څخه، چې بیروت دې غیرنظامي شي، مننه کوي.

بلخوا، سي‌بي‌ایس نیوز د یوه لوړپوړي امریکایي چارواکي له قوله ویلي، د امریکا ولسمشر ډونالډ ټرمپ د پنجشنبې په ورځ له نتنیاهو سره په ټیلیفوني اړیکه کې له نوموړي وغوښتل چې د ایران له اسلامي جمهوریت سره د مذاکراتو د بریا د تضمین لپاره، په لبنان کې د اسراییل بریدونه راکم کړي.

د دغه چارواکي په وینا، سره له دې چې د ټرمپ حکومت او اسراییل دواړو اعلان کړی چې لبنان د اوربند برخه نه ده، خو اسراییل هوکړه کړې چې «لازمه همکاري به وکړي».

مېرڅ د پنجشنبې په ورځ خبریالانو ته ویلي، نه غواړي چې د امریکا او ایران ترمنځ اوسنۍ کړکېچ د ناټو د غړو هېوادونو ترمنځ د درز لامل شي.

نوموړي زیاته کړې:«موږ نه غواړو، زه نه غواړم چې ناټو ووېشل شي. ناټو زموږ د امنیت، په ځانګړي ډول په اروپا کې د امنیت تر ټولو ستر تضمینونکی دی».

همدارنګه نوموړي ویلي، چې د امریکا ولسمشر ډونالډ ټرمپ یې له ایران سره خبرو کولو ته هڅولی دی.

د جرمني لومړي لومړي وزیر ویلي، چې هېواد یې په منځني ختیځ کې د کړکېچ هوارۍ په موخه د ایران له مشرتابه سره مستقیمې خبرې پیل کړې دي.

د پاکستان منځګړتوب

دغه خبرې اترې د ایران او امریکا ترمنځ له ۱۴ ورځني اوربند وروسته کیږي.

راپورونه ښيي چې ایران به اسلام‌اباد ته د ۱۰ مادو پر بنسټ خپل وړاندیز وړاندې کړي، په داسې حال کې چې امریکا مخکې د ۱۵ مادو پلان وړاندې کړی و. د دواړو طرحو ترمنځ لږ ورته والی موجود دی، چې دا د خبرو د پېچلتیا څرګندونه کوي.

د خبرو اترو یو ستر اختلاف به د یورانیمو بډایه کول دي.

ایران غواړي دا حق وساتي، خو امریکا دا موضوع د مذاکرې وړ نه بولي. همدارنګه، د ایران د توغندیو پروګرام هم د اختلاف بل مهم ټکی دی.

ایران خپل توغندیز ځواک نه شي پرېښودلای، خو امریکا او اسراییل ټینګار کوي چې باید محدود شي.

د خبرو بل مهم محور د هرمز تنګي برخلیک دی، چې د نړۍ د انرژۍ حیاتي لاره ده. د دغه تنګي بندېدو نړیوال اقتصاد اغېزمن کړی او د تېلو بیې یې لوړې کړې دي.

ایران ویلي چې د یوې دایمي سولې په صورت کې به له دې لارې تېرېدونکو کښتیو څخه فیس اخلي، خو امریکا پر ایران فشار راوړی چې دا لاره بېرته پرانیزي.

د پاکستان لپاره دا منځګړتوب له څو اړخونو مهم دی. یو پلو غواړي په سیمه کې له روانو شخړو ځان لرې وساتي او دې ته اړنه وځي، چې له سعودي عربستان سره د کړې معاهدې پر بنسټ د جګړې برخه وګرځي، ځکه په دې صورت کې پاکستان یوخوا د ایران تر بریدونو لاندې راځي او له بله پلوه په کوردننه شیعه ټولنه یې پر وړاندې را پورته کېدای شي او هم په پلوچستان ایالت کې نارامۍ ډېرېدای شي.

پر دې سربېره اسلام اباد غواړي په سیمه ییزو او نړیوالو مسایلو کې د ښکیلتیا له لارې د سترو ځواکونو پام ځان ته واړوي.

په کوردننه هم د اسلام اباد د منځګړتوب هڅو ددغه هېواد پر کورنیو ستونزو او مسایلو پوښ غوړولی دی.

د اسراییل دریځ

اسراییل دایران اسلامي جمهوریت د ځان لپاره یو ستر ګواښ بولي او غواړي چې د ایران نفوذ محدود شي. د اسراییل صدراعظم بنیامین نتنیاهوحتا د ایران د نظام بدلون ته لېواله ښودل شوی دی.

بل مهم اختلاف دا دی چې ایا اوربند به د لبنان جګړه هم رانغاړي که نه. ایران ټینګار کوي چې باید په لبنان کې جګړه بنده شي، خو امریکا او اسراییل دا موضوع د هوکړې برخه نه ګڼي.

اسراییل همدا اوس په لبنان کې ځپونګي عملیات پیل کړي، چې په لسګونو کسان پکې وژل شوي او په سلګونو نور ټپیان دي.

د پاکستان لومړي وزیر د امریکا او ایران د اوربند پرمهال پر اېکس ولیکل، چې لبنان به هم په دې اوربند کې شامل وي، خو داسې ښکاري، چې تل ابیب دې مسالې ته اعتنا نه ده کړې.

سره له دې چې ډونالډ ټرمپد پرمختګ خبره کړې، خو حقیقت دا دی چې دواړه لوري لا هم پر اساسي مسایلو موافقې ته نه دي رسېدلي.

کارپوهان باور لري چې ایران د هرمز تنګي له امله اقتصادي فشار واردولای شياو ښایي اوږدمهاله جګړې ته چمتو وي. په همدې حال کې، امریکا خبرداری ورکړی چې که هوکړه ونه شي، جګړه به نوره هم پراخه شي.

په ټوله کې، که څه هم خبرې روانې دي، خو د یوې دوامدارې سولې لپاره لا هم لوی خنډونه موجود دي.

د پاکستان د ژغورنې ادارې ويلي، په یوه بله پېښه کې په خانيوال ولسوالۍ کې د سختو ورښتونو له امله د یوه کور چت پرېوتی چې په‌کې دوه کسان ټپيان شوي او دارنګه په مظفر ګړ ولسوالۍ کې هم دوه کسان ټپیان شوي دي.
د یادې ادارې په وینا؛ په تونسي ولسوالۍ کې د یوه رسټورانټ چت پرېوتو له امله پنځه کسان ټپیان شوي او په همدې سیمه کې بیا په دوو نورو پېښو کې یو کس مړ او دوه نور ټپیان شوي.

د ژغورنې ادارې د معلوماتو له مخې؛ په ټوبه ټیک سنګ کې یو کس د برېښنا د شاټۍ له امله مړ شوی دی. بل لور ته د خیبر پښتونخوا په مومندو ولسوالۍ کې هم سختو ورښتونو ځاني او مالي زیانونه اړولي دي.
د مومندو ولسوالۍ ځايي چارواکو په وینا؛ د پنډیالي اړوند شهید بانډه سیمه کې یوه نجلۍ د خونې چت پرېوتو له امله مړه شوې ده. د سیمه‌ییزو چارواکو په وینا؛ په اکړاغوند سیمه کې هم دې ته ورته پېښه رامنځته شوې، چې له امله يې پنځه کسان ټپیان شوي دي.

د چارواکو د معلوماتو له مخې؛ د مومندو د سرا خوا په سیمه کې یو کس د خونې چت پرېوتو له امله مړ شوی دی.

الجزیزه شبکه وايي، محمد وشاح په غزه کې د چهار شنبې په ورځ (د وري ۱۹مه) هغه مهال د غزې ښار لویدیځ ته پر ساحلي سړک «الرشید» ووژل شو، چې موټر یې د اسراییل د یوې بې‌پیلوټه الوتکې په وسیله په نښه شو.

دغه شبکه زیاتوي: «دا پېښه د امریکا په منځګړیتوب له رامنځته شوي اوربندڅخه د سرغړونو په ترڅ کې رامنځته شوې ده.».

د یادونې وړ ده، چې د اسراییل او حماس تر منځ د جګړې له پیل راهیسې (۲۰۲۳ د اکتوبر لومړۍ اونۍ) په غزه کې د وژل شویو خبریالانو شمېر ۲۶۲ ته ورسېد.

اسراییل لا تر اوسه د دغې پېښې په تړاو څه سپیناوی نه‌دی کړی.