طالبانو د پاکستان بریدونو له امله ۶۰۰ بې‌ځایه شوې کورنۍ له سیند غاړو امن ځایونو ته لېږدولي

سرچینو افغانستان انټرنشنل ته ویلي چې په برګمټال ولسوالۍ کې لږ تر لږه درې سرحدي پوستې پرېښودل شوې دي. همدارنګه، د کونړ د ناړي ولسوالۍ اړوند د بریکوټ سیمه او د نورستان په کامدېش ولسوالۍ کې هم طالبان خپلې پوستې پرېښې او د شاوخوا کلیو جوماتونو ته تللي دي.

یو ځايي مشر ویلي: «کله چې جګړه پیل شوه، پاکستاني ځواکونو پر بریکوټ برید وکړ. هم خلک او هم طالبان له سیمې ووتل او اوس پوستې تشې پرتې دي.»

د سیمې د اوسېدونکو په وینا، د طالبانو او پاکستان پوستې یو بل ته نږدې موقعیت لري، خو دا لا څرګنده نه ده چې طالبانو ولې پوستې پرېښې دي او ایا د پاکستان د درندو وسلوډزې په دې پرېکړه کې اغېزمنې وې که نه.

بل لور ته، مرستندویه بنسټونو او د باختر اژانس راپور ورکړی چې د روانو نښتو له امله زرګونه کورنۍ له ناړي ولسوالۍ څخه د کونړ مرکز او ننګرهار ته کډه او بیځایه شوې دي. ځايي مشران وایي چې د کامدېش او برګمټال لارې تړل شوې دي، څو د طالبانو د شا تګ موضوع پټه وساتل شي.

ځینې قومي مشران باور لري چې طالبان د خپلو ځواکونو د لوژستیکي ملاتړ توان نه لري او د پاکستاني بریدونو له وېرې یې شاتګ کړی دی. دوی دا هم ادعا کوي چې طالبان خلکو او رسنیو ته ناسم معلومات ورکوي، لکه دا چې چارواکي د چورلکو له لارې سیمو ته ځي څو وښيي چې لا هم سرحدي حضور لري.

یو بل مشر ویلي: «طالبان اوس حکومت او پوځ لري، خو نه شي کولای لارې خلاصې وساتي او امنیت یې ټینګ کړي.»

تر دې مخکې، د نورستان د طالبانو د والي ویاند، فریدون صمیم، تایید کړې وه چې پاکستاني ځواکونه هغو موټرو باندې بریدونه کوي چې د کامدېش او برګمټال پر لور روان وي، او له همدې امله ځمکنۍ لارې تړل شوې دي.

ځايي اوسېدونکو خبرداری ورکړی چې که وضعیت همداسې دوام وکړي، ښايي خلک اړ شي د تګ راتګ او لومړنیو اړتیاوو د پوره کولو لپاره له پاکستاني ځواکونو مرسته وغواړي.

دغه بنسټ د پنجشنبې په ورځ، د وري ۲۰مه، ویلي چې سېلابونه د هېواد په ۳۲ ولایتونو کې راوتلي او د ملګرو ملتونو مرستندویه ډلې په اغېزمنو سیمو کې د بېړنیو مرستو د رسولو لپاره حضور لري.

د یاد سازمان په وینا، تر اوسه ۵۰۰ کورنیو ته سرپناه او اړین توکي برابر شوي او د مرستو او ژغورنې عملیات لا هم روان دي.

دا په داسې حال کې ده چې وروستیو سېلابونو نه یوازې ځاني تلفات اړولي، بلکې پراخ مالي زیانونه یې هم رامنځته کړي، چې له امله یې د بېړنیو بشري مرستو اړتیا نوره هم زیاته شوې ده.

د طالبانو د امربالمعروف او نهې عن المنکر وزارت د پنجشنبې په ورځ (د وري ۲۰مه) د یوې خبرپاڼې په خپرولو سره وايي، د دغه وزارت محتسبینو د کابل په سروبي ولسوالۍ کې هغه کس نیولی چې ادعا یې کوله د ټېلیفون له لارې له پيریانو سره په اړیکه کې دی.

دغه کس ادعا درلوده، چې د هغو کسانو درملنه یې کړې چې له پیریانو اغېزمن شوي وو او خلکو ته به یې ویل، چې پیریان د هغه خبرې «درک» کوي او ورسره «مستقیمه اړیکه» لري.

په خبرپاڼه کې ویل شوي: «دا ډول کړنې او ادعاوې خرافات بلل کېږي او له شرعي اصولو سره په ټکر کې دي او هیچا ته به اجازه ورنه‌کړي څو د خلکو په باورونو لوبې وکړي او له هغوی څخه په ورته بهانو پیسې واخلي».

د یادونې وړ ده، چې دغه وزارت په تېره اونۍ کې د هېواد له بېلابېلو سیمو ۲۴ کسان د کوډګرۍ په تړاو هم نیولي دي.

د یاد ولایت د طالبانو د امنیه قوماندانۍ ویاند احمد انس د طالبانو اړوند یوې رسنۍ ته ویلي، چې پېښه نن ماسپښین شاوخوا درې بجې هغه مهال رامنځته شوه، کله چې یو هایس موټر له سړکه واوښت او له یوه کور سره وجنګېد.

د نوموړي په وینا، د ترافیکو مدیریت منسوبین پر وخت د پېښې ځای ته رسېدلي او ټول ټپیان یې د نایب امان‌الله خان مرکزي روغتون او د کنجک ۳۰۰ بستریز روغتون ته لېږدولي دي.

هغه زیاته کړه، د ټپیانو له ډلې د دوو کسانو روغتیايي وضعیت د اندېښنې وړ بلل شوی، خو پاتې نور کسان سطحي ټپیان دي.

د طالبانو د دفاع وزارت د پنجشنبې په ورځ، د وري ۲۰مه د یوې خبرپاڼې په خپرولو سره ویلي، چې د یادې ډلې د دفاع وزیر محمد یعقوب مجاهد په کابل کې د چین له سفیر ژاو شینګ سره په لیدنه کې د دوه اړخیزو اړیکو او د سیمې د وروستیو بدلونونو په اړه خبرې کړې دي.

طالبانو ویلي، چې د چین سفیر له مجاهد سره د ارومچي د خبرو اترو په اړه د خپل هېواد دریځ شریک کړ او د یاد بهیر پر دوام یې ټینګار وکړ.

په خبرپاڼه کې د یعقوب مجاهد له قوله لیکل شوي، چې د افغانستان له امنیت وروسته د سیمې ثبات ځانګړی ارزښت لري.

د طالبانو د دفاع وزیر زیاته کړې، چې د یادې ډلې دریځ د زغم، متقابل احترام او تفاهم پر بنسټ ولاړ دی، خو ټینګار کوي چې د افغانستان له خاورې دفاع ته بشپړ چمتووالی لري.