کاملا هرېس وایي ښایي په ۲۰۲۸ کال کې بیاځلي د امریکا ولسمشریزو ټاکنو ته نومانده شي
د امریکا له ډیموکرات ګوند څخه د ۲۰۲۴ کال د ولسمشریزو ټاکنو پخوانۍ نومانده او د جو بایډن مرستیاله کاملا هرېس ویلي، چې ښايي په ۲۰۲۸ کال کې بیاځلي د ولسمشریزو ټاکنو لپاره نومانده شي.
هغې دا څرګندونې د مدني حقونو د سازمان «نشنل اکشن نیټورک» په یوې غونډه کې وکړې او ویې ویل، چې د احتمالي نوماندۍ په اړه لا هم فکر کوي.
هرېس زیاته کړه، چې راتلونکې پرېکړه به پر دې وي، چې څوک په ۲۰۲۸ کال کې د امریکا د خلکو لپاره تر ټولو ښه خدمت کولی شي.
هغې په ۲۰۲۴ کال کې د ډونالډ ټرمپ پر وړاندې د ولسمشرۍ ټاکنې وبایللې.
