د پاکستان لومړي وزیر خپل برېتانوي سیال ته د رسمي سفر بلنه ورکړه

هغې دا څرګندونې د مدني حقونو د سازمان «نشنل اکشن نیټورک» په یوې غونډه کې وکړې او ویې ویل، چې د احتمالي نوماندۍ په اړه لا هم فکر کوي.

هرېس زیاته کړه، چې راتلونکې پرېکړه به پر دې وي، چې څوک په ۲۰۲۸ کال کې د امریکا د خلکو لپاره تر ټولو ښه خدمت کولی شي.

هغې په ۲۰۲۴ کال کې د ډونالډ ټرمپ پر وړاندې د ولسمشرۍ ټاکنې وبایللې.

د روسیې دولتي خبري اژانس د جمعې په ورځ، د وري ۲۱مه راپور ورکړ، چې ۶۹ کلن پاول پوپوف د محکمې له لوري مجرم پېژندل شوی، خو نوموړي لګول شوي تورونه رد کړي دي. پوپوف د ۲۰۲۴ کال په دوبي کې مسکو ته نږدې د یوه پوځي پارک د جوړولو په تړاو د درغلیو په تور په «اربات» سیمه کې ونیول شو.

پلټونکو موندلې چې پاول پوپوف له ۲۰۲۱ کال راهیسې له یاد پارک څخه خپل کلي ته ساختماني مواد لېږدول او له دولتي امکاناتو یې په شخصي ودانیو کې ګټه اخیسته.

د یادونې وړ ده چې د روسیې د دفاع وزارت یو بل پخوانی لوړپوړی چارواکی، ولادیمیر شیستروف هم په تېر جولای میاشت کې په ورته قضیه کې په شپږ کاله بند محکوم شوی و.

د هند د بهرنیو چارو وزارت د جمعې په ورځ، په یوه اعلامیه کې، پرته له دې چې د اسراییل نوم واخلي، په لبنان کې د وروستیو بریدونو له امله د ملکي وګړو پر مرګ‌ژوبله اندېښنه ښودلې ده.

په اعلامیه کې د نړۍوالو قوانینو پر مراعات او د هېوادونو د حاکمیت او ځمکنۍ بشپړتیا ته پر درناوی ټینګار شوی دی.

د راپورونو له مخې، په لبنان باندې د اسراییل په دوه ورځنیو بریدونو کې له ۲۵۰ څخه ډېر کسان وژل شوي او له ۱۰۰۰ څخه ډېر نور ټپیان دي. دغو پېښو په سیمه کې د جګړې د پراخېدو په اړه سختې اندېښنې راپارولې دي.

په راپور کې راغلي، سره له دې چې د دواړو هېوادونو ترمنځ د اوربند هڅې روانې دي، خو په عملي ډول د هرمز تنګي لاره لا هم بنده ده. د امریکا ولسمشر ډونالډ ټرمپ په دې اړه غبرګون ښودلی او ویلي یې دي چې ایران د دغه تنګي د پرانیستلو په برخه کې «ډېر کمزوری کار کړی» دی.

ټرمپ پر خپلې ټولنیزې پاڼې ټروت سوش) لیکلي، چې دا وضعیت «ناانصافي» او د منل شوي توافق خلاف دی. نوموړي تر دې وړاندې هم خبرداری ورکړی و، چې ایران باید له دغې ستراتېژیکې لارې څخه د تېلو د ټانکرونو د تېرېدو په بدل کې هېڅ ډول مالیه ونه اخلي.

دا ترینګلتیاوې په داسې حال کې زیاتېږي چې ټاکل شوې سبا په اسلام‌اباد کې د دواړو لورو ترمنځ مهمې ډیپلوماټیکې خبرې پیل شي. کارپوهان اندېښنه ښيي چې د هرمز تنګي بندښت او په لبنان کې د بریدونو دوام ښايي د اسلام‌اباد د مذاکراتو پر پایلو منفي اغېز وکړي او په سیمه کې تاوتریخوالی نور هم وغځوي.

په ملګرو ملتونو کې د امنیت شورا غونډې ته د وینا پر مهال، د پاکستان دایمي استازولۍ مرستیال سفیر عثمان جادون وویلي، هېواد یې هیله لري چې په بالکان سیمه کې تلپاتې سوله او ثبات رامنځته شي. د پاکستاني رسنیو د راپور له مخې، نوموړي زیاته کړې چې پاکستان د سیمې د خلکو هوساینې او سوکالۍ ته ژمن دی او د شخړو د حل یوازینۍ لاره ډیالوګ ده.

دا په داسې حال کې ده چې د پاکستان پلازمېنه اسلام اباد د امریکا او ایران ترمنځ د مذاکراتو کوربتوب کوي او د مذاکراتو لپاره سخت امنیتي تدابیر نیول شوي دي.

پر همدغه مهال وال‌سټریټ ژورنال ورځپاڼې راپور ورکړی، چې د ایران د پارلمان د مشر محمد باقر قالیباف په مشرۍ پلاوی له امریکا سره د اوربند په تړاو د خبرو په موخه د پاکستان پلازمېنې اسلام‌اباد ته رسېدلی دی.