رویټرز: امریکا له ایران سره د خبرو اترو د پایلو په اړه ډېره هیلهمنه نهده
رویټرز خبري اژانس راپور ورکړی، امریکايي چارواکي په اسلاماباد کې له ایران سره د کېدونکو خبرو اترو د پایلو په اړه هیلهمن نه بریښي او باور لري چې د دواړه خواوو ترمنځ ژور اختلافات به د چټک پرمختګ مخه ونیسي.
د جېډي وېنس په مشرۍ امریکایي پلاوی په داسې حال کې پاکستان ته تللی، چې د متقابلې بېباورۍ فضا واکمنه ده او دواړه لوري یو بل د اوربند په ماتولو تورنوي. د راپور لهمخې؛ واشنګټن د هرمز تنګي د ژر پرانیستلو په اړه شک لري، په داسې حال کې چې تهران د بندیزونو لرې کول، د کنګل شویو شتمنیو خلاصول او په اوربند کې د لبنان شاملول د شرط په توګه وړاندې کړي دي.
له دې سره د ایران د ۱۰ مادهییزې طرحې او د امریکا د ۱۵ مادهییزې وړاندې شوې طرحې ترمنځ اختلاف هم د دغه خبرو اترو پېچلتیا زیاته کړې ده.
په ورته وخت کې د انرژۍ په بازار کې دوامداره ګډوډۍ او پر ډونالډ ټرمپ کورنیو سیاسي فشارونو د دغه مذاکراتو اهمیت لاپسې زیات کړی دی. امریکایي چارواکو خبرداری ورکړی، چې ان د خبرو اترو د پیل په صورت کې هم د کړکېچ د بیا رامنځته کېدو ګواښ شته.
