طالبانو په کابل کې ۱۶ کسان په دُرو ووهل

سمېع سادات د شنبې په ورځ (د وري ۲۲مه) په خپله فېسبوک‌پاڼه زیاته کړې، چې متحده جبهه کې د دوی ملګري‌ د هرات د پېښې مسوولین طالبان ګڼي او زیاته کړې یې ده، چې پر افغانستان دا واکمنه ډله د افغانانو د امنیت د ټینګولو وړتیا نه‌لري. د یادونې وړ ده، چې تېره ورځ د هرات په انجیل ولسوالۍ کې ناپېژانده وسله‌والو یوولس کسان په ډزو ووژل او یو شمېر نور یې ټپیان کړل.

طالبانو هم دا پېښه منلې او ادعا یې کړې، چې په تړاو یې یو شکمن کس نیولی، خو تر اوسه هېڅ کومې وسله‌والې ډلې د دغه برید مسوولیت نه‌دی منلی. د

مخکېني جمهوري نظام یو شمېر پخوانیو چارواکو او سیاستوالو هم د هرات وروستۍ پېښه «ترهګریزه او بشري جنایت» بللی دی.

د غزني ولایت لپاره د طالبانو د رسنیو دفتر د شنبې په ورځ (د وري ۲۲مه) د یوې خبرپاڼې په خپرولو سره ویلي، د قره‌باغ ولسوالۍ په اختوالو کلي کې د یوه کور د چت د رانړېدو له امله د محب‌الله او نصرت‌الله په نومونو دوه کسان مړه شوي دي.

په خبرپاڼه کې راغلي: «یاد کسان چې محب‌الله او نصرت‌الله نومېدل، د خپل استوګن کور د خونې بام د ستنو ترمیم او رغونې په کار بوخت وو، چې ناڅاپه د خونې بام پرې ونړېد».

د خبرپاڼې پربنسټ، د بام له نړېدو سره دواړه کسان تر خاورو لاندې شول او په هماغه ځای کې یې ساه ورکړه.

د غزني ولایت لپاره د طالبانو د مسوولینو په وینا، یاده پېښه د کور د زړو ستنو او بام د کمزورتیا له امله رامنځته شوې ده.

د طالبانو سترې محکمې د شنبې په ورځ (د وري ۲۲مه) د یوې خپرپاڼې په خپرولو سره ویلي، دغه درمل د زرنج- دلارام د لویې لارې په اوږدو کې ترلاسه شوي وو.

د خبرپاڼې له‌مخې، یاد درمل له قانوني څېړنو او د محکمې له پرېکړې وروسته وسوځول شول، خو په خبرپاڼه کې په دې اړه چې د دغو درملو د قاچاق په تړاو څوک نیول شوي او که څنګه، څه نه‌دي ویل شوي.

دا په داسې حال کې ده، چې د نیمروز د مرکز زرنج ښار د درېیمې امنیتي حوزې په شاوخوا سیمو کې هم ۲ کسان د انساني درملو او نورو قاچاقي توکو د قاچاق په تړاو نیول شوي دي.

د یادونې وړ ده، چې د افغانستان او پاکستان تر منځ له شخړې وروسته د دواړو لورو تر منځ هر ډول سوداګري په ټپه درول شوې او ځینې قاچاق کوونکي هڅې کوي، د اړتیا وړ توکي هېواد او یا هم نورو هېوادونو ته قاچاق کړي.

د دغه لاریون یوې ګډونوالې سایرې نورزۍ وویل، چې پاکستاني عسکرو په وار وار پر ډیورند کرښه پر ملکي‌ وګړو بریدونه کړي او تېرو میاشتو کې یې سلګونه افغانانو ته په هوایي بمباریو کې هم مرګ ژوبله اړولې ده. هغې وویل: «افغانان هېڅکله اجازه نه‌ورکوي چې زموږ د ولس وینه تویه شي او موږ نړیوالو ته پېغام ورکوو، چې د دغه جنایت پر وړاندې اقدام وکړي».

د پلوشې همزاد په نوم یوې بلې افغانې هم په دغه لاریون کې پر افغانستان د پاکستان بریدونه وغندل او د ملکي وګړو په نښه کول یې د نړیوالو قوانینو او اصولو خلاف عمل وباله.

هغې زیاته کړه: «موږ نن ځکه راټول شوي یو چې نړیوالو ته خپل غږ ورسوو، څو مداخله وکړي او جنګ ختم کړي».

دغو لاریونوالو په خپل پرېکړه لیک کې د جرمونو له نړیوالې محکمې غوښتنه وکړه، چې د پاکستان د پوځ مشر عاصم منیر او د یاد حکومت نور لوړ پوړي چارواکي د «بشري جنایت» په تړاو د عدالت مېز ته راکش کړي او سزاوې ورکړي.

د طالبانو او پاکستان ترمنځ له تېرو څو میاشتو راهیسې سیاسي، وسله‌وال او سوداګریز کړکېچ روان دی. دواړو لورو پر ډیورند کرښه له یو بل سره نښتې کړي او پاکستان بیا د کابل په ګډون د هېواد ګڼ ولایتونه بمبار کړي، چې په‌کې یې ملکي وګړو ته درنه مرګ ژوبله هم اړولې ده.

تر دې وړاندې هم په اروپا امریکا او د نړۍ یو شمېر نورو هېوادونو کې مېشتو افغانانو د لاریونونو په ترڅ کې د پاکستان یاد بریدونه غندلي دي.

نن د وري پر ۲۲مه په هرات کې د طالبانو د اطلاعاتو او کلتور رییس احمدالله متقي ویلي، چې د دغه ولایت په انجیل ولسوالۍ کې پر ملکي وګړو د مرګوني برید له امله د وژل شویو کسانو شمېر ۱۱ ته لوړ شوی.

د هغه په وینا، په روغتون کې یو شمېر ټپیانو سا ور کړې ده.

هغه زیاته کړې، چې د یادې پېښې اته نور ټپیان لاهم د هرات په حوزوي روغتون کې تر درملنې لاندې دي.

په هرات کې د طالبانو د اطلاعاتو او کلتور رییس احمدالله متقي وایي، چې طالبانو د یادې پېښې په تړاو یو کس نیولی دی.

د جمعې په ورځ د ماسپښین په شاوخوا ۳:۰۰ بجو ناپېژاندو وسله‌والو د هرات ولایت د انجیل ولسوالۍ په ده مهري کلي کې پر یوشمېر هغو شیعه کورنیو برید وکړ، چې د مېلې ​​او زیارت لپاره یادې سیمې ته تللې وې.