پاکستان: موږ یوازې مشوره ورکوو، د حللارې موندل د امریکا او ایران مسوولیت دی
په امریکا کې د پاکستان سفیر رضوان سعید شیخ ویلي، هیله لري چې د اسلاماباد خبرې اترې د جګړې د پای ته رسولو او د دواړه خواوو ترمنځ د شته اختلافاتو د حل لپاره د یوه مهم پړاو په توګه کار وکړي.
نوموړي د امریکا د ولسمشر ډونالډ ټرمپ د هغه ګواښونو په اړه چې ویلي یې و که هوکړه و نهشي؛ نو پر ایران به بیا برید وکړي ویلي، که د دغه څرګندونو معنا په سمه توګه درک شي؛ نو اړتیا به نه وي چې موضوع بل لوري ته ولاړه شي.
هغه وویل، چې پاکستان به د یوه منځګړي په توګه د ښکېلو غاړو ترمنځ د نورو اختلافاتو د «لرې کولو» لپاره یو بستر وي. نوموړي زیاته کړه، چې ښایي هېواد یې د غوښتنې په صورت کې مشورې ورکړي؛ خو په نورو حالاتو کې د حللارې موندل پهخپله د متحده ایالاتو او ایران کار دی.
