اکسیوس: وېنس له ټرمپ څخه د ایران اړونده ډیپلوماسۍ کې د رول لوبولو غوښتنه کړې
اکسیوس د دوو امریکايي سرچینو په حواله لیکلي، جېډي وېنس له ډونالډ ټرمپ د ایران اړونده ډیپلوماسۍ کې د رول لوبولو غوښتنه کړې ده. د دغه وېبپاڼې په وینا؛ وېنس ته د امریکايي پلاوي د مشرۍ سپارلو بل لامل په مذاکراتو کې د ټرمپ د استازو او ایراني چارواکو ترمنځ کړکېچ او بېباوري وه.
یادې وېبپاڼې کاږلي:« وېنس ته د امریکايي پلاوي د مشرۍ سپارلو بل لامل په مذاکراتو کې د ټرمپ د استازو او د ایراني چارواکو ترمنځ کړکېچ او بېباوري وه، چې په پایله کې یې جګړه رامنځته شوه».
اکسیوس زیاته کړې، ایراني چارواکو منځګړو ته ویلي دوی باور لري چې سټیو وېټکاف او جرډ کوشنر دوی تېر اېستي دي او د امریکا د مرستیال ولسمشر حضور کولای شي د مذاکراتو له پرمختګ سره مرسته وکړي.
اکسیوس د وېنس د یوې نږدې سرچینې په حواله لیکلي: «دا ښکاره خبر ده، چې د امریکا مرستیال ولسمشر غوښتل په داسې یوه مهمه شېبه کې ګډون ولري او کله چې ټرمپ ترې وغوښتل، هغه په ډېرې لېوالتیا سره ومنله چې د مذاکراتو مشري پر غاړه واخلي».
