د امریکا او ایران احتمالي مذاکراتو له امله اسلام‌اباد او راولپنډۍ کې پوهنتونونه انلاین شوي

هغه په لاهور ښار کې یوې غونډې ته د وینا پرمهال وویل،چې د پاکستان ختیځې او لوېدیځې پولې له هند او افغانستان سره تړلې دي، چې دغه کار د سوداګرۍ پر لارو منفي اغېز کړی او اقتصادي فشارونه یې زیات کړي دي.

نوموړي ټینګار وکړ چې د دې وضعیت له امله نه یوازې اقتصادي ستونزې ډېرې شوې، بلکې د چین په ګډون ځینې مهم شریکان هم له پاکستان څخه ناخوښ دي او پانګونه یې کمه کړې ده. د هغه په وینا، له ایران سره اړیکې هم روښانه نه دي.

مولانا فضل‌الرحمن د پاکستان د اقتصادي راتلونکې په اړه اندېښنه وښوده او ویې ویل چې خلک له لوړې بیو سره مخ اود هُرمز تنګي د وضعیت له امله د سون توکوبیې ناڅاپي لوړې شوې دي.

هغه وویل چې که څه هم د ګرانۍ پر ضد اعلان شوي لاریونونه ځنډول شوي، خو لغوه شوي نه دي او کېدای شي بېرته پیل شي.

فضل‌الرحمن د پاکستان له حکومت څخه وغوښتل چې د هېواد د سیاسي او اداري نظام اصلاح ته جدي پاملرنه وکړي، ځکه د هغه په باور، اوسنی وضعیت د پالیسۍ د کمزورۍ څرګندونه کوي.

امنیتي چارواکو ویلي چې په دواړو ښارونو کې شاوخوا ۴۰۰ امنیتي پوستې د ښار د ننوتلو او وتلو ټولې لارې څاري، او په لویو لارو کې هم اضافي ځواکونه ځای پر ځای شوي دي.

پولیسو اړوندو ادارو ته لارښوونه کړې چې ټول کارکوونکي باید له ځان سره د پېژندپاڼې درلودل باوري کړي او د اړتیا په صورت کې یې ښکاره کړي.

چارواکي وایي، د ټرافیک کنټرول هم سخت شوی او د ښار امنیتي تدابیر لا پیاوړي شوي، څو د هر ډول احتمالي پېښو مخه ونیول شي.

په همدې حال کې د بسونو یو مهم تمځای په اسلام‌اباد کې د شنبې له ورځې راهیسې موقتي تړل شوی او تمه ده دا بندښت د اپریل تر ۲۶مې نېټې پورې دوام وکړي.

له بل لوري، د راپورونو له مخې، په ښار کې د رسنیو لاسرسی هم تر یوې اندازې محدود شوی او اسلام‌اباد د امنیتي وضعیت له مخې په یو کلک کنټرول شوی ښار بدل شوی دی.

یاد تدابیر داسې مهال نیول کېږي چې د ایران او امریکا ترمنځ د خبرو اترو دویم پړاو هم تر اوسه په نامعلوم حالت کې پاتې دی.

د راولپنډۍ د باراني پوهنتون چارواکو په رسمي خبرتیا کې ویلي چې د امنیتي وضعیت له امله د پوهنتون مرکزي څانګه تر ۲۴ اپریل پورې تړلې پاتې کېږي او ټول درسونه به په انلاین بڼه ترسره شي.

په خبرتیا کې ویل شوي چې د پوهنتون په لیلیه کې مېشت زده‌کوونکي باید له لیلیې ووځي او خپلې خونې خالي کړي.

بل لور ته، د اسلام‌اباد نړیوال اسلامي پوهنتون هم اعلان کړی چې ټول درسونه به د اپریل له ۲۰مې تر ۲۴مې نېټې پورې انلاین وي.

دغه پوهنتون همداراز ویلي چې د همدې مودې لپاره ټاکل شوې منځنۍ ازموینې هم ځنډول شوې دي.

په همدې حال کې د اسلام‌اباد سیمه‌ییزو چارواکو ویلي چې په ښار کې د هټیو یا د بس تمځایونو د تړلو هېڅ ډول رسمي امر نه دی صادر شوی.

د پاکستان د کورنیو چارو وزارت د مرستیال سیکرټري حمزه شفقات او ویاند بابر یوسفزي د شنبې په ورځ په یوه خبري غونډه کې ویلي چې نیول شوې ښځه رحیمه بي بي نومېږي او د هغې مېړه منظور احمد هم د یاد برید د اسانتیا په برابرولو کې ښکېل و.

چارواکو ویلي چې منظور احمد او رحیمه بي بي د پېښې له ترسره کېدو وروسته افغانستان ته تښتېدلي دي.

د دوی په وینا، د تېر کال د نومبر په لومړیو کې یوه ښځه د زرينې په نوم له خپلو ماشومانو سره د دالبندین په سیمه کې د رحیمه بي بي کور ته وړل شوې وه، چې وروسته له هغې سیمې لېږدول شوې او بیا هغه برید ترسره شوی.

چارواکي ادعا کوي چې منظور احمد د خپلې مېرمنې رحیمه بي بي د پېژندپاڼې له لارې د سیم‌کارت د اخیستو لپاره کار اخیستی او له وسله‌والو ډلو سره یې اړیکې ساتلې دي. همداراز، د راپور له مخې، ځانمرګې بریدګرې زرينې ته د روزنې لپاره افغانستان ته د تګ زمینه هم برابر شوې وه.

په خپره شوې ویډیو کې رحیمه بي بي د چارواکو دغه څرګندونې تایید کړې او ویلي یې دي چې د تېر کال د نومبر په ۱۱مه نېټه یوه نااشنا ښځه له خپلو ماشومانو سره د هغوی کور ته راوستل شوې وه او بله ورځ له هغه ځایه وړل شوې ده.

هغې زیاته کړې چې وروسته له برید څخه یې هڅه کړې وه افغانستان ته ولاړه شي، خو تر هغه وړاندې نیول شوې ده.

د پاکستاني رسنۍ «جیونیوز» د راپور له‌مخې، وروستۍ پېښه د ښار د «ګلستان جوهر» په سیمه کې رامنځته شوې، چې په‌کې د اوبو یو ټانکر له یوه موټرسایکل سره ټکر کړی او له امله یې موټرسایکل چلوونکی مړ شوی دی. له پېښې وروسته قهرېدلو ځايي خلکو ټانکر ته اور اچولی دی.

تر دې وړاندې هم په دوو جلا جلا پېښو کې دوو ښځو خپل ژوند له لاسه ورکړی وو. لومړۍ پېښه د «پیپلز څلور لارې» ته نږدې رامنځته شوې، چې په‌کې پر موټرسایکل سپره یوه ښځه مړه شوې او بله پېښه د «ماړي پور» په سړک رامنځته شوې او هغې کې هم یوه ښځه ځای پر ځای مړه شوې ده.

د ژغورنې ادارو د معلوماتو له‌مخې، یوازې سږ کال په کراچۍ کې ۳۲۷۵ کسان د ټرافیکي پېښو له امله ټپیان شوي دي. همدارنګه، د لویو موټرو له ټکره ۴۸ کسان، د اوبو ټانکرو له ټکره ۳۱ کسان، د بسونو له ټکره ۱۲ کسان او د ډمپرو له ټکره ۵ کسان مړه شوي دي.

چارواکي وایي، د ټرافیکي اصولو نه مراعات، د موټرچلوونکو بې‌احتیاطي او د درنو وسایطو بې‌نظمه تګ راتګ د دې پېښو له اصلي لاملونو څخه دي، چې د ښار د اوسېدونکو اندېښنې یې زیاتې کړې دي.