احمد علي حضرت: د ډیورنډ کرښې د رسمیت پېژندنې په تړاو څرګندونې د پاکستاني پوځ محصول دی
د ننګرهار د ولایتي شورا پخواني رییس احمد علي حضرت افغانستان انټرنشنل–پښتو ته په یوه پېغام کې ویلي، د ډیورنډ کرښې د رسمیت پېژندنې په تړاو څرګندونې د پاکستاني پوځ محصول دی. هغه وایي، هر څوک که ختیځو ولایتونو کې د پاکستان سیاسي او استخباراتي پروژې پر مخ یوسي، نو دوی به یې مخه ونیسي.
نوموړي وویل: «دا کرغېړنه کرښه د استعماري قوتونو د فشار او د پاکستان پوځ د فرمایش محصول ده، د ولس هېڅ ډول اراده پهکې نه ده شامله». د احمد علي حضرت په وینا، ډیورنډ کرښه د افغان ولس لپاره په هېڅ لحاظ د منلو وړ نه ده او له افغان ملت پرته نور هېڅوک حق نه لري چې د دغه کرښې په تړاو غیر مسوولانه څرګندونې وکړي.
هغه وایي، نړۍ په دې ښه پوهېږي چې ډیورنډ کرښه هېڅ ډول رسمیت نه لري او نه هم افغانانو ته د منلو وړ ده. د نوموړي په خبره: «افغان ولس د دې تپل شوې کرښې د ازادۍ لپاره تل مبارزه کوي تل مبارزه کوي».
د ننګرهار د ولایتي شورا دې مخکیني رییس افغانستان انټرنشنل – پښتو ته سره په خبرو کې خبرداری ورکړی، چې د ټول افغانستان په ګډون په ځانګړي ډول ختیځو ولایتونو کې به هېڅ ډلې ته اجازه ور نه کړي چې د پاکستان په ګټه سیاسي او استخباراتي پروژې عملي کړي. احمد علي حضرت وویل، هر هغه سیاسي او مدني حرکت چې د پاکستان له لوري یې ملاتړ کېږي او یا هم رامنځته شوی وي، د افغانانو لپاره د منلو وړ نه دی.
د نوموړي دا څرګندونې د محمد محقق د وروستیو هغو خبرو په غبرګون کې شوي چې ډیورنډ کرښه یې د پاکستان او افغانستان ترمنځ «رسمي سرحد» بللی دی. محقق تر دې مخکې هم څو څو ځله د پاکستان د پوځي مشرانو ستاینې کړي او له دغه هېواد سره یې خپله ځانګړې خواخوږي څرګنده کړې ده.
د وحدت اسلامي ګوند د مشر دغو څرګندونو د افغان سیاستوالو او عامو وګړو پراخ غبرګونونه راپارولي او دا ډول خبرې یې د افغانستان د ځمکنۍ بشپړتیا او ملي ګټو لپاره زیان بللی دی.
طالبانو له واک ته رسېدو وروسته یو پراخ کمپاین پیل کړی چې د افغانستان ځوانان د طالباني تفکر پر لور جذب کړي، خو دې هڅو سره له دې چې د هېواد ستونزې نه دي اوارې کړي بلکې وضعیت یې لا نور ترینګلی کړی دی.
په تېرو دریو کلونو کې د دیني مدرسو شمېر د تېرو شلو کلونو پرتله پنځه برابره زیات شوی، چې اوس یې شمېر نږدې ۷۰۰۰ ته رسېدلی او لا هم زیاتېږي. افغانان اړ دي چې خپل اولادونه ښوونځي ته ولېږي، آن که دا ښوونځی مدرسه هم وي.
د طالبانو د پوهنې وزارت د مدرسو او دارالحفاظونو مشر عبدالرزاق صدیق رسنیو ته ویلي و: «افغانستان یوه مذهبي ټولنه ده او هر کس باید لومړنۍ او د لوړې کچې دیني زدهکړې ولري. له همدې امله موږ د دیني مدرسو وده ضروري بولو».
خو دا فکر آن د طالبانو دننه هم پراخ ملاتړ نه لري. ځینې طالب چارواکي وایي چې افغانستان یوازې طالب او ملا ته اړتیا نه لري بلکې انجینرانو او ډاکټرانو ته هم اړتیا ده. دا وضعیت نړۍ ته یو انزوا طلبه او افراطي افغانستان معرفي کوي چې نه یوازې کولتوري ستونزې لري، بلکې سیمه او نړۍ ته قوي امنیتي ګواښ هم پېښولی شي.
که څه هم افراطي فکرونه پراخېږي، خو ټکنالوژي دا وړتیا لري چې له افراطیت سره مبارزه وکړي. انټرنټ او رسنۍ هغه څه دي چې په اوسني عصر کې ورسره ځوانان په بېلابېلو ډولونو نښلول شوي دي. د شمېرو له مخې، د افغانستان ۶۷ سلنه وګړي لږ تر لږه میاشت کې یو ځل ټلوېزیون ګوري، چې دا ۱۲ میلیونه ماشومان او ۱۴ میلیونه ځوانان رانغاړي.
نجیب پیکان زیاتوي، چې تر ټولو مهمه مسئله له دې ځوانانو سره د اړیکو جوړول دي: «افغان ځوانان په دوو برخو وېشل کېدای شي. لومړی، تحصیلکرده او ناراضه ځوانان دي چې په میدان یوازې پرېښودل شوي او د بدلون ځواک یې له لاسه ورکړی. دا هغه ځوانان دي، چې که څه هم ناهیلې دي، خو د ځان ژغورلو یوازینۍ لاره د آزادې نړۍ سره همکاري ګڼي.دویم، هغه ځوانان دي چې د طالبانو په اداره کې دي؛ هغوی افراطي شوي. هر کال نیم میلیون طالبان له مدرسو فارغېږي او د افراطیت پر لور ګام اخلي.»
د حالاتو د بدلون لپاره باید له دواړو ډلو سره کار وشي. تر ټولو مهمه لاره دا ده چې د رسنیو، خبرو اترو، کنفرانسونو او مشورو له لارې د ځوانانو ترمنځ پل جوړ شي، ترڅو هغوی انتقادي فکر ته وهڅول شي او خپل بحثونه له دین او آخرت څخه ور هاخوا هم وغځوي.
دا ځوانان کار غواړي، او د کار موندلو لپاره اړیکو ته اړتیا لري. له هغو هېوادونو درس اخیستل کېدای شي، چې د ځوانانو کچه پکې لوړه ده، او دغه ځوانان د سمې لارې پر لور هڅول کېدای شي.
