ډونالډ ټرمپ: هغه وخت پای ته رسېدلی چې کمزورو هېوادونو به موږ ته فشار راکاوه

د چین د بهرنیو چارو وزارت ویاند ګوو جیاکون په بیجینګ کې په یوه خبري ناسته کې وویل چې د اسیا پسیفیک سیمه تر ټولو ډېر سولې او ارامۍ ته اړتیا لري او دې ته کمه اړتیا ده، چې بهرني ځواکونه راشي او وېش او مقابلې ته لمن ووهي.

هغه زیاته کړه چې د هېوادونو ترمنځ پوځي همکاري باید داسې نه وي چې د سیمې هېوادونو ترمنځ متقابل باور وګواښي او یا ټیکاو زیانمن کړي.

دغه کلني پوځي تمرینونه چې د اوږه په اوږه په نوم یادېږي، د اپرېل له شلمې څخه د مې تر اتمې پورې دوام کوي.

په دغو تمرینونو کې د جاپان د ځان ساتنې ځواکونو غړي د لومړي ځل لپاره په ژوندیو ډزو کې برخه اخلي.

د راپورونو له مخې؛ سړکونه او فرعي لارې تړل شوې، په ګڼو سیمو کې اغزن تار لګول شوی او کانټینرونه ځای پرځای شوي چې له امله یې د دغه سیمو اوسېدونکي په کورونو کې بندپاتې دي.

همدارنګه، د راولپنډۍ او اسلام‌اباد ترمنځ د ټولو مساپر وړونکو بسونو چارې په ټپه درېدلې او ټول عامه، شخصي او بار وړونکی ترانسپورټ په لنډمهالي ډول بند دی. همداراز د پاکستان حکومت د ځینو پوهنتونونو لیلیې تړلې او ازموینې یې ځنډولې دي؛ خو درسونه په انلاین بڼه دوام لري.

د پاکستان امنیتي ځواکونه په ښار کې د تیار سئ په حال کې دي؛ خو دغه محدودیتونو بیا د خلکو ورځنی ژوند سخت اغېزمن کړی دی. ځايي اوسېدونکي وایي، چې د لارو ناڅاپي بندېدو له امله د خوراکي توکو او اوبو له کمښت سره مخ شوي او بېړنیو حالاتو کې روغتونونو ته رسېدنه هم ستونزمنه شوې ده.
تر دې وړاندې د امریکا ولسمشر ډونالډ ټرمپ اعلان کړی و، له ایران سره د دویم پړاو خبرو لپاره د نوموړي استازي سټیو وېټکاف او جرډ کوشنر به نن دوشنبه اسلام‌اباد ته ورسېږي. له بل پلوه سپینه ماڼۍ وايي، چې د امریکا مرستیال ولسمشر جې‌ډي وېنس به په پاکستان کې له ایران سره د خبرو اترو مشري وکړي؛ خو تراوسه دا څرګنده نه‌ده، چې ایران به په دغه خبرو کې ګډون وکړي او که نه.

د اوکراین ولسمشر د یکشنبې په ورځ په یوه تلوېزیوني مرکه کې وویل، اروپا باید د بالستیک وسلو په وړاندې یو ځانګړی دفاعي سیسټم جوړ کړي. زېلېنسکي زیاته کړه، چې اوکراین اوس‌مهال د داسې سیسټم جوړولو په اړه له څو هېوادونو سره د خبرو په حال کې دی.

روسیه د اوکراین د انرژۍ پر تاسیساتو د برید لپاره له بالستیک توغندیو کار اخلي، چې د تودوخې برېښنايي فابریکو او د برېښنا لېږد شبکو ته زیان رسوي. زېلېنسکي زیاته کړه: «موږ باید د یو کال په لړ کې د بالستیک توغندیو ضد دفاعي سیسټم جوړ کړو».

هغه ټینګار وکړ، چې دا کار خورا ستونزمن دی؛ خو شونی دی. د اوکراین لپاره د کروز توغندي جوړونکي‌ شرکت «فایر پواینټ» رویټرز ته ویلي، چې له اروپايي شرکتونو سره په خبرو بوخت دی؛ څو راتلونکی کال یو نوی هوايي دفاعي سیستم جوړ کړي.
دا یو داسې سیستم دی، چې ښایي د «پاټریوټ» له سیسټم څخه ارزانه بدیل وي؛ ځکه ترلاسه کول یې ورځ تر بلې سختېږي. پاټریوټ توغندي په فارس خلیج کې د ایران د بریدونو د مخنیوي لپاره په پراخه کچه کارول شوي؛ نو له همدې امله د دغه توغندیو کمښت رامنځته شوی دی.

د نیویارک ټایمز د راپور له مخې، دا پېښه د یکشنبې په سهار د محلي وخت له مخې د شریوپورټ ښار په یوه سیمه کې رامنځته شوې ده.

پولیس وایي چې په دې پېښه کې ټولټال ۱۰کسان په ډزو لګېدلي، خو د دوو کسانو وضعیت لا هم نه دی روښانه.

د پولیسو په وینا، هغه وسله‌وال چې د ډزو مسول و، د پولیسو د تعقیب پر مهال وژل شوی دی.

د کریس بورډلون په نوم د شریوپورت د پولیسو یو چارواکي ویلي چې دا پېښه «کورنۍ شخړې» پورې تړلې ده.

نوموړي زیاته کړه چې پولیس د سهار شاوخوا ۶بجې د ۷۹مې لوېدیځې کوڅې له ۳۰۰بلاک څخه د ډزو راپور ته ورسېدل.

د پولیسو په وینا، ډزې د دوو کورنیو ترمنځ شوې دي او د «هریسن سړک» په یوه بله کور کې هم د جرم نښې موندل شوې دي.

چارواکي وایي، بریدګر وروسته په زور یو موټر تښتولی و، خو پولیسو یې تعقیب کړی او په نښته کې وژل شوی دی.

پولیسو ویلي چې همدا کس یوازینی بریدګر و او په هغه کورونو کې چې پېښه پکې شوې، د هغه خپل لمسیان هم موجود وو، چې دا پېښه یې لا هم دردوونکې کړې ده.

د راپورونو له‌مخې، په وروستی اونۍ کې په لندن کې د یهودانو پر مرکزونو درې بریدونه شوي دي.

د برېتانیا ترهګرۍ ضد پولیسو ویلي، چې دوی د یادو بریدونو ریښې لټوي او هڅه کوي، معلومه کړي چې دا بریدونه د ایران له‌خوا تنظیم شویو فعالیتونو برخه دي او که نه.

د برېتانیا د ترهګرۍ پولیسو جګپوړي افسر ویکي ایونز رسنیو ته ویلي:« موږ په بریتانیا کې د ایران له احتمالي ګواښونو خبر یو. داسې راپورونه شته چې دا بریدونه له ایران سره تړلې یوې ډلې کړي او موږ به د خپلو پلټنو په ترڅ کې دا پوښتنه په جدي ډول و څېړو».

د یهودانو پر مرکزونو بریدونو ته د برېتانیا لومړي وزیر کې‌یر سټارمر هم سخت غبرګون ښودلی.

نوموړي پر اېکس‌پاڼه لیکلي:«پر یهودي ټولنې برید، پر ټولې برېتانیا برید دی».

پر همدغه مهال په په برېتانیا کې د یهودانو مذهبي مشر ایفریم میرویس ویلي، چې د یهودانو د ډارولو لپاره یوه بزدلانه هڅه پیل شوې ده.

تر اوسه په لندن کې د یهودانو پر مرکزونو د بریدونو او او اچونې په پېښو کې د ځاني زیان په اړه جزییات نه دي ورکړل شوي، خو یوې ایران پلوې ډلې د دغو بریدونو مسوولیت منلی او وايي، په ټوله اروپا کې پر امریکايي او اسراییلي مرکزونو د بریدونو تر شا ولاړ دي.