اریانا افغان شرکت د یوې چارټر الوتکې په تړاو له یوه ایراني شرکت سره یو کلن قرارداد کړی

د یادې خونې د معلوماتو له مخې، د هند له سفیر سره په لیدنه کې د افغان صادراتو پر زیاتوالي، د دوه‌اړخیزو اقتصادي اړیکو پر پیاوړتیا او د سوداګرو پر وړاندې پرتو خنډونو د حل پر لارو چارو بحث شوی دی.

دواړو لوریو د افغانستان او هند ترمنځ د سوداګریزو اړیکو پر لا پراختیا ټینګار کړی دی.

همداراز، د قزاقستان له سفیر سره په لیدنه کې د سوداګرۍ د پراخولو، ګډو پانګونو او د قزاقي سوداګریز پلاوي د راتلونکې سفر لپاره پر چمتووالي خبرې شوې دي.

د یادې خونې په وینا، دواړو لوریو د اقتصادي همکاریو پر لا ټینګښت او دوامداره پرمختګ ټینګار کړی دی.

د طالبانو د کورنیو چارو وزارت نن سې شنبه، د مرغومي پر لومړی نېټه اعلان وکړ چې د ازبکستان د کورنیو چارو وزیر عزیز تاشپولادویچ ویلي، چې دا هېواد چمتو دی د نشه توکو پر وړاندې مبارزې په برخه کې له افغانستان سره خپلو همکاریو ته دوام ورکړي.

د طالبانو د کورنیو چارو وزارت په خبرپاڼه کې راغلي، چې دواړو خواوو د نشه یي توکو د مخنیوي په برخه کې د لا زیاتو خبرو اترو ترڅنګ، په سرحداتو کې د نشه یي توکو د مخنیوي لپاره د یوه تخنیکي ټیم پر جوړولو هم هوکړه وکړه.

دوی زیاتوي، چې دا تخنیکي ټیم به د نشه یي توکو د قاچاق پر وړاندې د مبارزې په برخه کې د ښې همغږۍ او اغیزمنتیا لپاره کار ورکړي.

د خبرپاڼې له مخې، دا سفر او په ترڅ کې یې شوې لیدنې د سیمې په کچه د نشه یي توکو پر وړاندې د مبارزې په برخه کې د همکارۍ د پیاوړتیا لپاره یو مهم ګام بلل کیږي.

د کابل پلچرخي عالي لیسې ځينو زده کوونکو نن سې شنبه، د مرغومي پر لومړی نېټه وویل، چې د طالبانو د ۱۹ مې حوزې مسوولانو د اسلامیاتو له ښوونکي سره یوځای څو تنه زده کوونکي له ځان سره وړي دي.

دوی وايي، طالبانو یو شمیر زده کوونکي په دې تور نیولي، چې ویډیو یې ثبت کړې ده او رسنیو ته یې لېږلې ده.

طالبانو د پلچرخي لیسې د ښوونکي او زده کوونکو د نیولو په تړاو لاتر اوسه څه نه دي ویلي.

‏تېره ورځ د وري پر ۳۱مه افغانستان انټرنشنل د کابل د پلچرخي عالي لیسې په یوه ټولګي کې له یوه زده کوونکي سره له تاوتریخوالي د ډک چلند ویډیو خپره کړه.

د افغانستان په ښوونځیو کې له زده کوونکو سره د تاوتریخوالي دغه ویډیو یوازینۍ نه ده. له دې وړاندې هم ورته ګڼې ویډیوګانې خپرې شوې دي.

‏د پوهنې برخې شنونکي په ښوونیز سیستم کې د اصلاحاتو، د ښوونکو د ظرفیت لوړولو او د زده‌کوونکو د خوندیتوب لپاره د رڼو پالیسيو اړتیا په ګوته کوي.

رحیمي پر خپل ایکس له افغانستان سره د پاکستان د اوسنیو ځینو سیمو د یوځای کېدو پر غوښتنې نیوکه کړې او ویلي یې دي چې دا موضوع دده په وینا، «ملي غوښتنه» نه ده، بلکې یوازې د یوې محدودې ډلې له خوا تعقیبېږي.

هغه زیاته کړې چې د «پښتونستان» موضوع د افغانستان د ځینو پښتنو له لوري مطرح کېږي، خو دا د ده په وینا، د « تاجکانو، هزاره‌ وو، ازبکانو او نورو قومونو غوښتنه نه ده».

د نوموړي په وینا، ځینې کسان هڅه کوي دا موضوع پر نورو وتپي، خو د سیمې د نفوس او سیاسي واقعیتونو له مخې دا ډول ادعاوې له واقعیت سره سمې نه دي.

رحیمي ویلي: «موږ پاکستان له خپلو اوسنیو پولو سره په رسمیت پېژنو او له هېڅ هېواد سره سرحدي او ځمکنۍ شخړه نه لرو، بلکې د هېوادونو ترمنځ د ستونزو حل په خبرو اترو او همکارۍ کې وینو، نه په وېش او نیابتي جګړو کې.»

د روسیې د بهرنیو چارو وزیر سرګي لاوروف د وري پر ۳۱مه د مسکو په غونډه کې چې د ډله ییز امنیت تړون سازمان پارلماني جرګې د شورا غړو پکې ګډون کړی و، د افغانستان او سیمې پر امنیتي وضعیت خبرې وکړې.

هغه وویل چې په افغانستان او شاوخوا سیمو کې بې‌ثباتي د اندېښنې وړ ده او دا وضعیت پر ټولې سیمې اغېز لري.

لاوروف څرګنده کړه چې په افغانستان کې د ترهګرۍ او نشه یي توکو پر ضد مبارزه روانه ده او دا چاره دا ایجابوي چې روسیه او د سیمې هېوادونه ورته لا زیات پام وکړي.

نوموړي ټینګار وکړ چې باید له ګاونډیو او ملګرو هېوادونو، په ځانګړي ډول د ناپېیلو هېوادونو ټولنې او شانګهای همکارۍ سازمان له غړو سره همکاري زیاته شي.

د هغه په وینا، د شانګهای د همکاریو سازمان پراخ پروګرام لري چې موخه یې د ثبات او امنیت ټینګښت دی. لاوروف وویل، د ډله ییز امنیت تړن سازمان، ناپېیلو هېودونو سازمان او شانګهای د همکاریو سازمان عمومي منشیانو په دې وروستیو کې یوه نقشه تصویب کړې ده.

د روسیې د بهرنیو چارو وزیر وویل، سیمه ییز امنیت د ټولو ګډ مسوولیت دی او دا اړتیا شته چې د سیمې هېوادونه او سازمانونه په ګډه د ترهګرۍ، نشه یي توکو قاچاق او بې‌ثباتۍ پر ضد همغږي اقدامات وکړي.

دا څرګندونې داسې مهال کیږي چې په افغانستان کې د طالبانو له واک ته رسېدو وروسته، د سیمې هېوادونه د امنیتي ګواښونو له اړخه اندېښمن دي خو طالبانو په افغانستان کې د وسله والو ډلو حضور رد کړی دی.