په سوات کې وسه والو ۳ کسان په ډزو وژلي دي
د خېبر پښتونخوا د سوات د رحیم اباد سیمې پولیسو ویلي، چې د سه شنبې په ورځ ناوخته پر یوه موټر د وسله والو د ډزو په پېښه کې درې کسان ټپيان شوي و، چې وروسته یې په روغتون کې ساه ورکړې ده.
پولیسو ویلي، د پېښې تر رامنځته کېدو وروسته یې سیمه کلابنده کړه او د تورنو کسانو د نیولو لپاره یې پلټنې پیل کړې دي.
د سوات د پولیسو مشر ویلي، دا پېښه د پخوانۍ دښمنۍ له امله رامنځته شوې او دواړو خواوو ترمنځ مخکې هم شخړې او دوسیې موجودې وې.
چارواکو زیاته کړې، د پېښې عاملین به ژر تر ژره ونیول شي او قانون ته به وسپارل شي.
