رویټرز: د سمندري کلابندۍ د ختمولو او د ایراني بېړۍ ازادولو لپاره د پاکستان هڅې ناکامې شوې
د رویټرز خبري اژانس د راپور له مخې، د ایران د اسلامي جمهوریت یو لوړپوړي چارواکي ویلي چې د پاکستان هغه هڅې چې امریکا قانع کړي، څو سمندري کلابندي پای ته ورسوي او ایراني بېړۍ او د هغې عمله ازاده کړي، تر اوسه کومه پایله نه ده ورکړې.
دغه لوړپوړي چارواکي زیاته کړه چې تهران هغه خبرې اترې نه مني چې د فشار لاندې ترسره کېږي یا هدف یې د تسلیمېدو ته اړ کول وي.
هغه ټینګار وکړ چې اسلامي جمهوریت ښايي په پاکستان کې په مذاکراتو کې برخه واخلي، خو دا به هغه وخت وي چې امریکا خپله د فشار او ګواښ تګلاره پرېږدي. نوموړي چارواکي په پای کې وویل چې امریکا د ستونزو د حل پر ځای هره ورځ نوي خنډونه رامنځته کوي.
