تېره میاشت په ایران کې سیاسي اعدامونه د تېر کال په پرتله څلور برابره زیات شوي
په نږدې يوه مياشت کې ۱۸ تنه معترضان او سياسي بنديان په ايران کې اعدام شوي دي. دا شمېر د تېر کال د ټولو ثبت شويو سياسي اعدامونو له درېيمې برخې زيات دی او د سياسي اعدامونو مياشتنۍ کچه يې د تېر کال د منځني کچې تر څلور برابرو زياته کړې ده.
د همدې شمېرنو له مخې، په تېره شاوخوا يوه مياشت کې لږ تر لږه ۱۸ معترضان او سياسي بنديان اعدام شوي دي، چې د دوی يوه د پام وړ برخه د ۱۴۰۴کال د مرغومي مياشتې د اعتراضونو له نيول شويو کسانو څخه وه.
دا په داسې حال کې ده چې د ايران د بشري حقونو د فعالانو سازمان «هرانا» د راپور له مخې، اسلامي جمهوريت په ټول ۱۴۰۴ کال کې لږ تر لږه ۵۲ تنه بنديان د سياسي او امنيتي تورونو پر بنسټ اعدام کړي وو. د دې شمېر له مخې، په تېر کال کې د اعدامونو منځنۍ مياشتنۍ کچه شاوخوا ۴ کسان و.
خو د ۱۴۰۶ کال د غويي مياشتې تر پيل مخکې ورځو کې د ۱۸ کسانو اعدام ښيي چې مياشتنۍ کچه شاوخوا ۴.۱ برابره زياته شوې ده، چې نږدې ۳۱۵سلنه زياتوالی څرګندوي.
دا احصايهيي څېړنه څرګندوي چې د ایران اسلامي جمهوريت د سياسي او امنيتي دوسيو په چلند کې له خپلې پخوانۍ لارې اوښتی او تر پخوا زيات د اعدام د حکمونو پلي کولو ته مخه کړې ده.
