د طالبانو سفیر د خیبر پښتونخوا له اعلی وزیر سره د افغان کډوالو پر وضعیت غږېدلی

په کندهار کې د طالبانو رسنیز مرکز د یوې خبرپاڼې په خپرولو سره ویلي، چې د چارشنبې په ورځ د ملا شیرین په مشرۍ د امنیتي او تصفیوي کمېسیون غونډه کې د کندهار د امنیتي او ملکي چارو په اړه خبرې وشوې او د طالبانو د کندهار والي ویلي، چې د ملا هبت الله د حکم پر بنسټ د یاد کمېسیون مشري والیانو ته سپارل شوې ده.

ملا شیرین ویلي:«موږ مکلف یو، چې د نورو چارو تر څنګ د همدې کمېسیون چاري هم په ښه توګه ادا کړو».

تردې وړاندې په ولایتي کچه د طالبانو د امنیتي او تصفیوي کمېسیون مشري د واالیانو د مرستیالانو پر غاړه وه او په مرکزي کچه د دغه کمېسیون مشري د طالبانو د دفاع وزیر یعقوب مجاهد پر غاړه ده.

په یاد کمېسیون کې طالبان په خپلو لیکو کې د شکمنو کسانو د ارزونې ترڅنګ د ولایتونو امنیتي وضعیت هم ارزوي.

د طالبانو د کرنې، اوبو لګولو او مالدارۍ وزير عطاالله عمري د چارشنبې په ورځ، د غويي پر دویمه د بزګر مېلې او د افغانستان د کرنیزو او مالدارۍ محصولاتو څلوردېرشم نندارتون په پرانېستغونډه کې وویل، چې ۱۴۰۵ کال د افغانستان د ځان‌بسیاینې کال دی.

په دغه نندارتون مختلفې غرفې پرانېستل شوې، چې بزګرانو او کورنيو توليدوونکو خپلې لاسته راوړنې پکې نندارې ته اېښې دي.

د طالبانو د کرنې وزیر زياته کړه، چې د سيمې شرايطو او سوداګريزو محدوديتونو ته په پام د کورنيو توليداتو د پياوړتيا لپاره مناسب فرصت برابر شوی.

د عطاالله عمري په وینا، اداره یې د کرنې او مالدارۍ سکتور د ودې او د بزګرانو او سوداګرو لپاره د اسانتياوو د برابرولو په برخه کې ژمنه ده.

په دې غونډه کې د طالبانو رییس‌الوزرا ملا محمد حسن اخوند په خپل پیغام کې د کرنې سکتور د پراختيا لپاره ګډه همکاري او د هېواد د اقتصادي تړاوونو کمول بنسټیزه اړتیا ګڼلې ده.

د بزګرانو په استازيتوب حاجي محمد اسلم د سړو خونو جوړول، د بسته‌بندۍ بهير ښه کول او د کرنيزو محصولاتو د صادراتو لپاره د زمينې برابرول مهمې اړتياوې په ګوته کړې او د بزګرانو او مالدارانو د کورنيو د لا ډېر ملاتړ غوښتنه يې کړې ده.

یاد نندارتون د «عصري کرنه او مالداري؛ د خوړو خوندیتوب او د هېواد د اقتصادي ودې زمینه برابروونکي» تر شعار لاندې د څلورو ورځو لپاره، د غویي له دویمې تر۵مې نېټې پورې د بادام‌باغ په څېړنيز فارم کې پرانېستل شوی دی.

د طالبانو د کرنې وزارت د معلوماتو له مخې، په نندارتون کې د کرنې، بڼوالۍ او د مالدارۍ باکیفیته محصولات، پروسس شوي تولیدات، لاسي صنایع، کرنیز ماشینونه، افغاني خالص زعفران، طبي بوټي او نباتات، د اوبولګولو تجهیزات، مثمر او غیر مثمر نیالګي، د لمریزې برېښنا دستګاوې، کرنیز فعالیتونه او کورني تولیدات نندارې ته وړاندې شوي دي.

د بدخشان ولایت د پولیسو ویاند احسان‌الله کامګار په وینا، د پېښې له رامنځته کېدو وروسته د ژغورنې ډلې سیمې ته رسېدلې او د قربانیانو جسدونه یې له واورو را اېستلي دي.

هغه زیاته کړې، چې د مړو جسدونه د قانوني مراحلو له بشپړېدو وروسته د هغوی کورنیو ته سپارل شوي دي.

بدخشان چې یو غرنی ولایت دی، هر کال د ژمي او پسرلي په موسمونو کې د واورې ښویېدنې له ورته پېښو سره مخ وي.

سراج الدین حقاني د هلمند له سفر وروسته، تېره ورځ زابل ولایت ته سفر وکړ او د چارشنبې په ورځ یې د دغه ولایت په سیوري ولسوالۍ کې د طالبانو د بنسټګر او پخواني مشر ملا عمر له قبر څخه لیدنه کړې ده.

طالب سرچینو ویلي، چې زابل ته د نوموړي سفر رسمي بڼه نه لرله او یوازې یې په دغه ولایت کې د والي له مرستیال سره کتلي دي.

طالب سرچینو زیاته کړې، چې سراج الدین حقاني نن سهار کابل ته د سفر پرمهال د زابل په سیوري ولسوالۍ کې د ملا عمر د قبر له رغنیزو چارو لیدنه کړې او د قبر د رغونې پر چارو، ساتنې او پالنې یې ټینګار کړی دی.

طالبانو په ۲۰۲۲ کال کې د ملا عمر د قبر ځای اعلان کړ او له هغه وروسته یې د قبر په شاوخوا کې د جومات، استراحت ځای او نورې ودانۍ جوړې کړې.

همدارنګه طالبانو د زابل د سیوري ولسوالۍ له مرکز څخه د ملامحمد عمر تر قبره پورې اته کیلومتره پوخ سړک هم رغولی دی.

ځايي سرچینې وايي، چې د ملا عمر له قبر څخه هره ورځ لسګونه کسان لیدنه کوي او د قبر د امنیت ساتلو لپاره هم لسګونه کسان په دنده ګومارل شوي دي.

د طالبانو د قومونو، سرحدونو او قبایلو چارو وزیر، چې په دې ورځو کې د افغانستان په شمالي ولایتونو کې قومي غونډو ته ویناوې کوي، په تخار کې تازه په یوه غونډه کې ویلي، چې پاکستان غواړي ډیورنډ کرښه په سرحد بدله شي، خو دا سرحد نه دی او نه به شي.

نوري غونډې ته په خبرو کې وویل، « د پاکستان شوم اهداف دادي چې په افغانستان کې مستحکم حکومت رانه شي، غواړي ډیورنډ کرښه سرحد شي، دا رسمي سرحد نه دی او نه به شي».

د طالبانو د قومونو او قبایلو چارو وزیر وویل، چې دوی د جګړې اراده نه لري، خو که مقابل لوری پرې جګړه وتپي، دفاع پرې فرض عین ده او د خپلې لوېشت لوېشت خاورې ساتنه او دفاع به د سر په بیه کوي.

هغه زیاته کړه چې افغانستان اوس مهال له بشپړ امنیت او خپلواکۍ څخه برخمن دی او ولسونه دده په وینا، خپلو هیلو ته، چې د اسلامي نظام راتګ و، رسېدلي دي.

په دې غونډه کې چې د اسلامي نظام د پېژندنې او ارزښتونو په نامه جوړه شوې وه، ملا نورالله نوري وویل چې افغان ولسونه د هر ډول ننګونو پر وړاندې ولاړ دي او د خپلې خاورې د دفاع لپاره هر ډول سرښندنې ته چمتو دي.

د طالبانو د قبایلو چارو وزیر له دې وړاندې هم په یوه غونډه کې ویلي و، چې پاکستان غواړي د جګړې او نښتو له لارې نړیوال منځګړي راولي او ډیورنډ کرښه د سرحد په توګه ورسره ومنل شي.

ډیورنډ کرښه د افغانستان او پاکستان ترمنځ لانجمنه کرښه ده، چې افغان حکومتونو او په سیمه کې پرتونو قومونو له تېرو ۷ لسیزو راهیسې رد کړې ده، خو پاکستان دغه کرښه نړیوال سرحد ګڼي.