طالبان غواړي له روسیې سره په «کازان فورم» کې درې تړونونه لاسلیک کړي

عبدالسلام حنفي جوزجان ته د سفر پرمهال د محصلانو او د پوهنتون له استادانو سره په لیدنه کې ویلي، چې افغانستان کې د مدرسې او پوهنتون ترمنځ واټن کم شوی او اوس د محصل او د طالب ترمنځ هېڅ توپیر نشته.

حنفي زیاته کړې:«نور د محصل او طالب ترمنځ، د مکتب او مدرسې ترمنځ، د عالم او د پوهنتون د استاد ترمنځ هېڅ توپیر نشته. دا هغه څه وو، چې د هېواد او اسلام دښمنانو جوړ کړي وو».

وړاندې د کابل په ګډون په یو شمېر ولایتونو کې محصلانو ویلي و، چې طالبانو د ژمن‌پاڼو په وېشلو سره له محصلانو غوښتي، چې د دې ډلې لارښوونو ته ژمن پاتې شي.

په دې ژمنپاڼه کې له محصلانو غوښتل شوې، چې د ږیري پرېښودلو، د خولۍ پر سر کولو، په لمانځه کې د ګډون، د مسیقۍ نه اوریدلو او د طالبانو له اصولو سره سم چارو ژمنه وکړي.

په ورته مهال عبدالسلام حنفي په جوزجان کې محصلانو ته په وینا کې ویلي، چې نور دا مفکوره له ذهنه وباسي، چې بهرنیان به افغانستان جوړ کړي.

د سرچینو د معلوماتو له مخې، دغه قومي مشر د پېښې پر مهال برسېرن ټپي شوی هم دی.

تر اوسه پورې د بغلان د طالبانو سیمه ییزو چارواکو په دې اړه څه نه دي ویلي

راپورونه ښيي چې په وروستیو کې په افغانستان کې د غلاوو او وسله والو بریدونو پېښې زیاتې شوې دي.

په یوه جلا پېښه کې د سې شنبې په ورځ د وري میاشتې پر ۲۵مه شاوخوا د سهار په لسو بجو وسله والو کسانو د کابل په دشت برچي سیمه کې د ښځو د خیاطۍ پر یوې کارخونې برید کړی و او نږدې یو میلیون افغانۍ نغدې پیسې غلا شوې وې.

د سرچینو په وینا دغه پېښه د کارکوونکو د معاشونو د ورکولو په ورځ شوې وه.

همدارنګه د طالبانو د کورنیو چارو وزارت ویلي و، چې د وري پر نهمه نېټه یې په خوست ولایت کې څلور وسله وال غله نیولي چې په پوځي یونیفورم کې یې له خلکو غلاوې کولې.

په وروستیو میاشتو کې په کابل او ولایتونو کې د وسله والو غلو د نیولو او غلا د پېښو رپوټونه ډېر شوي دي.

د طالبانو د عامې روغتیا وزارت د راپور له مخې، په دې غونډه کې د روغتیايي سکتور د ظرفیت لوړونې پر مهمو برخو خبرې وشوې، چې د رواني روغتیا، سرطان، پولیو، کډوالو د روغتیايي خدماتو او لابراتوارونو پیاوړتیا پکې شامل وو.

مولوي نور جلال جلالي په دې ناسته کې ټینګار کړی چې د افغانستان د روغتیايي سیسټم د پیاوړتیا لپاره جدي هڅې روانې دي او هڅه کېږي د نړیوالو بنسټونو په همکارۍ ټولو خلکو ته معیاري او باکیفیته روغتیايي خدمات وړاندې شي.

افغانستان په دې ورځو کې د دارو درملو له اړخه له کمښت سره مخ دی او د ګڼو درملو بیې لوړې شوې دي.

طالبانو د روغتیا نړیوال سازمان د استازي له قوله ویلی، چې نوموړي له عامې روغتیا وزارت سره په ظرفیت لوړونې، د خدماتو په ښه والي او نورو روغتیايي برخو کې د همکاریو ډاډ ور کړی دی.

د یادونې وړ ده چې د روغتیا نړیوال سازمان له لوري دا ژمنه په داسې حال کې کېږي چې افغانستان لا هم د روغتیايي سکتور په بېلابېلو برخو کې نړیوالو همکاریو ته جدي اړتیا لري.

د سفارت په خبرپاڼه کې ویل شوي، چې په پاکستان کې د طالبانو سفیر مولوي سردار محمد شکیب د خیبر پښتونخوا له وزیراعلی سره ټیلیفوني تماس نیولی او د افغان کډوالو ستنېدو بهیر کې د اسانتیاوو د زیاتوالي له امله یې د ایالتي حکومت مننه کړې ده.

د طالبانو سفیر له سهیل اپریدي غوښتي چې هغو کډوالو ته چې نوملیکنه یې بشپړه شوې، افغانستان ته د ستنېدو اجازه ورکړل شي.

نوموړي همداراز د نوملیکنې مرکزونو کې د پاکستان د حصایې ادارې «نادرا» د څانګو د ډېرولو غوښتنه کړې او ویلي یې دي چې دا کار به د ستنېدونکو کډوالو ستونزې کمې کړي.

په دې ټیلیفوني اړیکه کې د خیبر پښتونخوا اعلی وزیر ویلي چې افغان کډوال د دوی وروڼه او مېلمانه دي او د دوی ستنېدو ته هر ډول اسانتیاوې برابرې شوې دي.

د خیبر پښتونخوا اعلی وزیر ویلي چې د نوملیکنې مرکزونو او اسانتیاوو ورځنۍ څارنه پخپله کوي.

اوسمهال د پېښور او خیبر په دوو مرکزونو کې د افغان کډوالو ستنېدو بهیر روان دی، خو د حکومتي سختیو له امله کډوال له ګڼو ستونزو سره لاس او ګریوان دي.

د افغان کډوالو د شکایتونو له امله څو ورځې وړاندې سهیل اپریدی د حمزه بابا د نوملیکنې مرکز ته تللی و او هلته یې د اسانتیاوو برابرولو امر ور کړی و، خو لا هم د پېښور د جمعه خان خوړ مرکز کې کډوال د نوملیکنې په بهیر کې له ستونزو سره مخ دي.

یو شمېر افغان کډوالو له افغانستان انټرنشنل سره په خبرو کې وویل، چې دوی لکه مالونه په غوجل کې یوځای سره اچول شوي او ماشومان یې ناروغان شوي دي.

دغه کډوال د خوړو، تشنابونو او څښاک اوبو په څېر له ګڼو ستونزو سره مخ دي.

په کندهار کې د طالبانو رسنیز مرکز د یوې خبرپاڼې په خپرولو سره ویلي، چې د چارشنبې په ورځ د ملا شیرین په مشرۍ د امنیتي او تصفیوي کمېسیون غونډه کې د کندهار د امنیتي او ملکي چارو په اړه خبرې وشوې او د طالبانو د کندهار والي ویلي، چې د ملا هبت الله د حکم پر بنسټ د یاد کمېسیون مشري والیانو ته سپارل شوې ده.

ملا شیرین ویلي:«موږ مکلف یو، چې د نورو چارو تر څنګ د همدې کمېسیون چاري هم په ښه توګه ادا کړو».

تردې وړاندې په ولایتي کچه د طالبانو د امنیتي او تصفیوي کمېسیون مشري د واالیانو د مرستیالانو پر غاړه وه او په مرکزي کچه د دغه کمېسیون مشري د طالبانو د دفاع وزیر یعقوب مجاهد پر غاړه ده.

په یاد کمېسیون کې طالبان په خپلو لیکو کې د شکمنو کسانو د ارزونې ترڅنګ د ولایتونو امنیتي وضعیت هم ارزوي.