د ملګرو ملتونو خبرداری؛ افغانستان لاهم د اوبو له کمښت سره مخ دی

دغه بنسټ ټینګار کړی، په افغانستان کې د خوندي اوبو برابرولو لپاره د ملګرو ملتونو هڅې ښیي چې ګډه همکاري کولای شي اغېزمنې پایلې رامنځته کړي. د خپرو شویو شمېرو له مخې؛ د تېرکال په اوږدو کې د ملګرو ملتونو په ملاتړ په افغانستان کې ۸۴۰زره او ۸۲۶ کسانو خوندي اوبو ته لاسرسی وموند.
د افغانستان لپاره د ملګرو ملتونو اماني صندوق وايي، چې خوندي اوبو ته د ټولنو لاسرسی د خلکو پر روغتیا، کرامت او هیلو بېړنۍ اغېزه کړې ده. تر دې وړاندې د «مرسي کورپس» په نوم یو نړۍوال سازمان خبرداری ورکړی و، چې یوازې په کابل کې اووه مېلیونه خلک د اوبو د کمښت له جدي ناورین سره مخ دي.
دغه سازمان په کابل کې د ژورو څاګانو نیمایي وچېدو ته په اشارې سره ویلي و، چې دغه ښار به تر ۲۰۳۰کال پورې وچ شي.