د دودیزې غېږ نیونې نړۍوال فسټیوال نن پنجشنبه (د غویي ۳مه) د کابل په کوربهتوب پیلېږي. دغه سیالۍ د المپیک، بدني روزنې او سپورت عمومي ریاست په تالار کې ترسره کېږي، چې درې ورځې به دوام وکړي.
په دغه سیالیو کې د افغانستان په ګډون د ایران، ترکیې، قرغزستان، ازبکستان، تاجکستان او ترکمنستان لوبغاړي ګډون کوي. د ورکړل شویو معلوماتو پر بنسټ؛ په دغه سیالیو کې تر ۶۰ ډېر لوبغاړي برخه اخلي او په ورته وخت کې به د سامبو سیالۍ او ځینې دودیزې لوبې هم ترسره شي، چې شاوخوا ۱۰۰ کورني لوبغاړي به پهکې ګډون وکړي.
دغه سیالۍ به د کورش، رستمي و ګشتینګیري په ګډون د غېږ نیونې په بېلابېلو دودیزو څانګو کې ترسره شي او موخه یې د سیمهییزو لوبو وده او د هېوادونو ترمنځ د ورزشي اړیکو پیاوړتیا ښودل شوې ده.
د بدني روزنې او سپورت ریاست هم اعلان کړی، چې د کابل په ۲۵۰۰ کسیزه جمنازیم کې د دغه سیالیو د ترسره کولو لپاره ټولې تابیاوې نیول شوې او یوشمېر بهرني لوبغاړي هم هېواد ته رسېدلي دي.
