روبیو: اجازه نه ورکوو چې سپاه پورې تړلي کسان د ايران فوټبال ټيم سره امريکا ته داخل شي
د پنجشنبې په ماښام د غويي په درېيمه د خبريالانو سره د خبرو پر مهال د امريکا ولسمشر ډونالډ ټرمپ د دې پوښتنې په ځواب کې چې ايا کېدای شي ايران په نړيوال جام کې له ايټاليا سره بدل شي، وويل: «ما په دې اړه فکر نه دی کړی!» او بيا يې د امريکا د بهرنيو چارو د وزير، مارکو روبیو نظر وپوښت.
مارکو روبیو په ځواب کې وويل: «موږ دا ستونزه نه لرو چې د ايران د فوټبال لوبغاړي دې امريکا ته راشي، خو اجازه نه ورکوو چې ځينې هغه کسان چې د سپاه سره تړاو لري، د روزونکي يا خبريال په نوم له ټيم سره يو ځای داخل شي».
