د بلوچستان په چاغۍ کې د کان کېندنې په شرکت برید کې د یوه بهرني وګړي په ګډون ۹ کسان وژل شوي
د بلوچستان ایالت د چاغۍ ولسوالۍ مرکز دالبندین ته اړوند داریګون سیمه کې ناپېژاندو وسلهوالو د «نېشنل ریسورسز» په نوم د کان کېندنې پر یوه ځایي شرکت برید کړی. په دغه برید کې د یوه بهرني وګړي او دوه ځايي امنيتي ساتونکو په ګډون ۹ کسان وژل شوي دي.
د یادې پېښې قربانیان دالبندین پرنس فهد روغتون ته لېږدول شوي دي. یاد شرکت په دې اړه په خپور شوي بیان کې ویلي، چې تر برید وروسته د پاکستان امنیتي ځواکونه سیمې ته رسېدلي او د وسلهوالو پرضد یې چاڼیز او د پلټنې عملیات پیل کړي دي.
یاد شرکت ويلي، چې د برید ځای کې مېشت ۹۰ سلنه ځايي کارکوونکي دي. په دې اړه افغانستان انټرنشنل پښتو د چاغۍ ولسوالۍ مرستيال کمېشنر سره اړیکه ونیوله؛ خو تر دې مهاله يې د پېښې په اړه څه نهدي ويلي.
د یاد بهرني وګړي د هویت په اړه هم نور معلومات نهدي شریک شوي.
