سوات کې ناامني؛ ځايي خلکو، سیاسي مشرانو او د قومي جرګې غړو د ولسي پاڅون خبرداری ورکړی
د خیبرپښتونخوا د سوات قومي جرګې د امنیتي وضعیت خرابېدو له امله حکومت ته یوه میاشت وخت ورکړی. یادې جرکې خبرداری ورکړی، که وضعیت ښه نهشي نو پراخ لاریونونه به وکړي. ځایي مشران وايي، په سوات کې وسلهوالې ډلې یو وار بیا فعاله شوې او دولت د امنیت په ټینګښت کې پاتې راغلی.
سوات چې تر پراخو پوځي عملیاتو وروسته یو څه امنه سیمه ګڼل کېده، اوس یو ځل بیا د امنیتي اندېښنو سره مخ ده. د سوات ځایي اوسېدونکي، سیاسي مشران او د قومي جرګې غړو د یادې سیمې د خراب امنیتي وضعیت له امله اندېښنه څرګنده کړې.
د راپورونو له مخې؛ په سوات کې د تحریک طالبان پاکستان پورې تړلو وسلهوالو ډلو یو وار بیا خپل فعالیتونو پيل کړي او د بېلابېلو سیمو اوسېدونکو د پاکستاني طالبانو حضور تایید کړی.
د یادونې وړ ده، چې په سوات کې په وروستیو څو میاشتو کې د هدفي بریدونه او د سړک غاړې چاودنې پېښې یو وار بیا زیاتې شوې دي. ځايي خلک وايي، چې وسلهوال د تېر په څېر په سیمو کې ګزمې کوي. له بل پلوه د سوات قومي جرګه وايي، چې دوی به د وسلهوالو د فعالیتونو پرضد یو ځل بیا ولسي پاڅونونو پيل کړي.
