په ننګرهار کې د لومړي ځل لپاره ګډه ورزشي مېله ترسره شوه

د افغانستان د سنوکر ملي فدراسیون عمومي سکرټر شکیب سخي تایید کړې چې وحید اصغري د روانې اونۍ د سې‌شنبې په ورځ د کابل ښار په قلعه فتح‌الله کې د خپل کور له مخې نه تښتول شوی و او نن یې مړی کورنۍ ته ورسپارل شوی دی.

په ورته مهال د طالبانو المپیک، بدني روزنې او سپورټ ادارې هم د افغانستان د سنوکر ملي فدراسیون د پخواني رییس مړینه تایید کړې او له اړوندو ادارو یې د هغه د مرموزې مړینې په تړاو د پلټنو غوښتنه کړې ده.

په دغه سیالیو کې د افغانستان په ګډون د ایران، ترکیې، قرغزستان، ازبکستان، تاجکستان او ترکمنستان لوبغاړي ګډون کوي. د ورکړل شویو معلوماتو پر بنسټ؛ په دغه سیالیو کې تر ۶۰ ډېر لوبغاړي برخه اخلي او په ورته وخت کې به د سامبو سیالۍ او ځینې دودیزې لوبې هم ترسره شي، چې شاوخوا ۱۰۰ کورني لوبغاړي به په‌کې ګډون وکړي.

دغه سیالۍ به د کورش، رستمي و ګشتینګیري په ګډون د غېږ نیونې په بېلابېلو دودیزو څانګو کې ترسره شي او موخه یې د سیمه‌ییزو لوبو وده او د هېوادونو ترمنځ د ورزشي اړیکو پیاوړتیا ښودل شوې ده.
د بدني روزنې او سپورت ریاست هم اعلان کړی، چې د کابل په ۲۵۰۰ کسیزه جمنازیم کې د دغه سیالیو د ترسره کولو لپاره ټولې تابیاوې نیول شوې او یوشمېر بهرني لوبغاړي هم هېواد ته رسېدلي دي.

100%

د هغه په وینا تر دې دمه، د دغې سیالۍ لپاره له تاجکستان، ازبکستان، قرغیزستان او ترکمنستان څخه ۴۶ ورزشکاران هم کابل ته رسېدلي دي.

احمدالله وثیق د سې شنبې په ورځ پر اېکس پاڼه لیکلي چې د دودیزې غېږ نیونې نړیواله جشنواره د افغانستان په ګډون د اوو هېوادونو د ۶۰ بهرنیو او ۱۰۰ کورنیو ورزشکارانو ترمنځ د افغانستان په کوربه توب په پلازمېنه کابل کې کېږي.

یاده سیالۍ به د راتلونکې پنجشنبې په ورځ (د غويي پر درېیمه) پیل شي او درې ورځې به دوام وکړي.

هغه په دغه ویډیو کې ویلي، چې اقتصادي‌ ستونزې نه‌لري‌او ستونزې یې حل شوې دي. زمری ځلاند چې د اسیا په کچه یې د اتلولۍ مډالونه ترلاسه کړي، درې ورځې وړاندې یې خپل د سرو زرو ګټلي مډالونه او جامونه د اقتصادي ستونزو له امله وپلورل.
هغه چې د هلمند پر يو څلورلارې ناست دی په یوه ویډيو کې وايي: «کوم مډالونه او کپونه چې ما د خارج په سطحه افغانستان ته راوړي دا د هېواد افتخار دی. خو زه نن مجبور یم، مشکلات لرم خرڅوم یې. هر څوک که غواړي دا دې زما څخه رانیسي، زه به خپل مشکلات پرې حل کړم».

د یادې ویډیو تر خپرېدو وروسته په خواله رسنیو کې پر طالبانو نیوکې زیاتې شوې. د خواله رسنیو کاروونکو ویلي و، نن سبا اقتصادي ستونزې دومره پراخې شوې چې ان ورزشي اتلان مجبور دي خپلې لاسته راوړنې وپلوري.

سرچینو ویلي، چې وروسته په هلمند کې د طالبانو د اطلاعاتو او فرهنګ ریاست زمری ځلاند نیولی او په یوه ویډیو کې یې په زور ترې د بښنې غوښتلو ته اړ اېستی. نوموړی په یوې نوې ويډیو کې وايي: «ما چې کومه ویډیو کړې وه، زه تېر اېستل شوی وم. شکر دی مشکلات مې حل شوي او له ټولو هېوادوالو بښنه غواړم».

په هلمند کې د طالبانو د ورزش اداره هم د زمري ځلاند لاسته راوړنې ملي یادوي او اقتصادي ستونزې یې مني؛ خو وايي چې دغه ستونزې باید لومړی له دوی سره شریکې شوې وې.

د راپورونو له مخې، شاپور ځدراڼ د د وینې او معافیتي حجرو د بې‌کچې فعالېدو ناروغي (HLH) په څلورم پړاو اخته دی.

دا ناروغي ډېری په ماشومانو کې لیدل کېږي، خو په لویانو کې هم رامنځته کېدای شي، په ځانګړي ډول په هغو کسانو کې چې معافیتي سیستم یې کمزوری وي یا مخکې له سرطان سره مخ شوي وي.

په دې ناروغۍ کې د بدن معافیتي سیستم ډېر فعال کېږي، چې له امله یې شدید التهاب رامنځته کېږي او د بدن نسجونو ته زیان رسوي.

د شاپور ورور غمي ځدراڼ ویلي چې نوموړي لومړی ځل د تېر کال په اکتوبر کې د ناروغۍ نښې احساس کړې.

وروسته ډاکټرانو ورته سپارښتنه وکړه چې د لا پرمختللې درملنې لپاره هند ته ولاړ شي.

هغه زیاته کړې چې راشد خان او د افغانستان کرکټ بورډ مشر میرویس اشرف د اړیکو له لارې مرسته وکړه چې د هند ویزه ژر ترلاسه شي.

شاپور د جنورۍ پر۱۸مه نېټه هند ته ولاړ او له همغه وخته په روغتون کې بستر دی.

د هغه ورور وایي چې شاپور له شدیدو عفونتونو سره مخ شوی و او حتا نری رنځ (توبرکلوز) یې مغز ته هم خپور شوی و.

هغه همداراز ویلي چې شاپور له روغتون نه تر رخصتېدو وروسته بیا له نس درد او تبې سره مخ شو او وروسته جوته شوه چې د ډینګي په ناروغۍ هم اخته شوی دی.

د مارچ پر۲۶مه نېټه د نوموړي د هډوکو د مغز ازموینې وښوده چې دHLH ناروغۍ په څلورم پړاو کې دی.

د هندي رسنیو د راپورونو له مخې، شاپورځدراڼ ډېرې کمې خبرې کولای شي، زیاتره وخت ویده وي او شاوخوا ۱۴ کیلو وزن یې له لاسه ورکړی دی.