د خیبرپښتونخوا اعلی وزیر د پاکستان له مرکزي حکومت سره د همکارۍ نه کولو ګواښ کړی
د خیبر پښتونخوا اعلی وزير سهېل اپريدي ګواښ کړی، که د مرکزي حکومت لهخوا د هېواد له تر ټولو ستر سیاسي ګوند پاکستان تحریک انصاف سره توپیري چلند دوام وکړي، نو دوی به له مرکزي حکومت سره همکاري بنده او د «بایکاټ پالیسي» خپله کړي.
سهېل اپريدي د جمعې په ورځ (د غويي ۴مه) د خپلې کابينې غونډه کې د ملي او صوبايي پر چارو له خبرو او پر مرکزي حکومت له نیوکو سربېره وویل: «په پاکستان کې چې کوم خلک واکمن کړل شوي په ناسمه لاره را وستل شوي دي».
هغه همداراز زیاته کړې، د پاکستان له حکومت سره د ولس د هوساینې فکر نهشته او یوازې د تحریک انصاف ګوند په ختمولو پسې راخیستې ده.
اپریدي د عمران خان او د هغه د مېرمنې بُشرا بيبي درملنې او قضیو ته په سمه توګه پر نهرسېدنې هم نیوکې وکړې.
د پاکستان مرکزي حکومت لا تراوسه د سهیل اپریدي د دغو څرګندونو په تړاو څه نهدي ویلي.
