د خیبرپښتونخوا په باجوړ کې په یوه وسلهوال برید کې د ۵ پولیسو په ګډون ۹ کسان ټپیان شوي
د خيبرپښتونخوا په باجوړ ولسوالۍ کې د پوليسو پر یوه موټر د نامعلومه وسلهوالو په بريد کې د ۵ پوليسو په ګډون ۹ کسان ټپيان شوي دي. د باجوړ پوليسو افغانستان انټرنشنل- پښتو ته وویل، دغه پېښه د جمعې په شپه نزدې نهه بجې د باجوړ د خار تحصيل په رشکۍ سیمه کې رامنځته شوې ده.
د باجوړ پولیسو زیاته کړې، له پېښې وروسته وسلهوالو د یادو ټپيانو پر لېږدونکي امبولانس هم ډزې کړي، خو لا تر اوسه په دغې پېښه کې د وژنې خبر نهدی ترلاسه شوی.
د سرچینې په وینا، له پېښې وروسته یاده سیمه د پولیسو له لوري کلابنده شوې او د عاملینو د نیولو په موخه عملیات پیل شوي دي.
تر دې مخکې ناپېژندو وسلهوالو د خیبر پښتونخوا د بنو له دومیل سیمې څخه د شفیعالله او فهیمالله په نومونو دوه ځوانان تښتولي او وروسته یې بیا وژلي وو.
