عراقچي د پاکستان د پوځ مشر ته د مذاکراتو په اړه د تهران ځوابي وړاندیزونه سپارلي دي
د ایران دولتي ټلویزیون راپور ورکړی، چې د دغه هېواد د بهرنیو چارو وزیر عباس عراقچي په اسلاماباد کې د پاکستان د پوځ له مشر عاصم منیر سره د لیدنې پرمهال له امریکا سره د مذاکراتو په اړه د تهران ځوابي وړاندیزونه ورسپارلي دي.
د ایران د صدا او سیما شبکې راپور ورکړی، چې عباس عراقچي د پاکستان د پوځ له مشر سره په خبرو کې، د هغو وړاندیزونو په اړه د تهران ځوابي دریځ شریک کړی چې مخکې د پاکستان له لوري د امریکا سره د مذاکراتو په تړاو ورکړل شوي وو. د راپورونو له مخې، دا ځواب ډېر هر اړخیز دی او د تهران ټولې غوښتنې او اندېښنې په کې ځای پر ځای شوې دي.
