د پاکستان په پلازمېنه کې د یوې کورنۍ ۴ غړي ووژل شول
د اسلاماباد پولیسو ویلي، چې د ښار په جهنګي سیدان سیمه کې د نامعلومو وسلهوالو له لوري د یوه ماشوم او ښځې په ګډون د یوې کورنۍ څلور غړي وژل شوي دي. دا پېښه د شنبې په ورځ (د غويي ۵مه) رامنځته شوې او ویل شوي چې وژل کسان د سوات دي.
د ډان ورځپاڼې په راپور کې د وژل شویو کسانو نومونه ملاخلیل، د هغه مېرمن شمیم بيبي، د هغوی ۱۴ کلن زوی موسی خان او حبیب مجید ښودل شوي او د پولیسو په وینا، جبیب مجید ښايي د شمیم بيبي ورور وي.
د پولیسو په وینا، دغه کسان په ډزو سره وژل شوي او لامل یې ښايي ناموسي مسایل وي، خو بیا هم لا تر اوسه په کره توګه د پېښې لامل نهدی څرګند شوی.
د لومړنیو معلوماتو پر بنسټ، د پېښې قربانیان د سوات اوسېدونکي دي او پولیسو ویلي، د دغې پېښې د څرنګوالي په تړاو څېړنې روانې دي او هڅې کوي چې د پېښې اصلي لامل او عاملین معلوم کړي.
