طالبان وایي، غزني کې یې ۲۴ تاریخي اثار کشف او موزیم ته لېږدولي دي

د طالبانو د بهرنیو چارو وزارت د عامه اړیکو رییس حافظ ضیاء احمد تکل په خپله ایکس پاڼه کې لیکلي، چې د مولوي امیرخان متقي په کابل کې د دودیزې غیږنیونې نړیوالې جشنوارې د ګډون کوونکو هېوادونو له استازو سره لیدنه کړې ده.

په دې لیدنه کې متقي د افغانستان او سیمې ترمنځ کلتوري یووالی او اړیکې تاریخي بللي او ویلي یې دي چې د ورزشي ډیپلوماسۍ له لارې هڅه کوي له نړیوالې ټولنې سره اړیکې لا پراخې او پیاوړې کړي.

هغه زیاته کړې چې د ورزشکارانو لپاره د ویزو او نورو اسانتیاوو د برابرولو په برخه کې هڅې روانې دي او په وینا یې د طالبانو له بیا واکمنېدو وروسته د دودیزو لوبو او ورزشونو په برخه کې د پام وړ پرمختګونه شوي دي.

ضیا احمد لیکلي، د ګډون کوونکو هېوادونو ورزشي استازو د افغانانو د مدیریت او د غیږنیونې د مهارتونو ستاینه کړې او په دې برخه کې یې د ګډې همکارۍ ژمنه څرګنده کړې ده.

د یادونې وړ ده چې د اوو هېوادونو ترمنځ د دودیزې غیږنیونې نړیواله جشنواره د افغانستان په کوربه‌توب تېر پنجشنبه په کابل کې پیل شوې، چې له ازبکستان، قرغیزستان، ترکمنستان، تاجکستان، ایران او ترکیې څخه ۶۰ بهرني او ۱۰۰ داخلي ورزشکاران پکې ګډون لري.

په اسټرالیا کې د افغانستان سفارت په خپله ایکس پاڼه کې د اسټرالیا او نیوزیلنډ د سرتیرو د یاد ورځې په مناسبت پیغام خپور کړی او ویلي یې دي چې د هغو کسانو درناوی کوي چې د افغانستان په ماموریت کې یې دنده ترسره کړې ده.

په پیغام کې ویل شوي چې په افغانستان کې د ماموریت پر مهال ۴۱ اسټرالیایي او ۱۰ نیوزیلنډي سرتېري وژل شوي او د هغوی قربانۍ د درناوي وړ دي.

سفارت زیاته کړې چې «د هغوی قربانۍ په درناوي سره یادېږي» او د یادونې په توګه یې د #LestWeForget هشتګ هم کارولی دی.

دا څرګندونې په داسې حال کې شوې دي چې هر کال د اسټرالیا او نیوزیلنډ خلک د “انزاک ورځې” په نوم د خپلو سرتېرو یادونه کوي او د جګړو په بهیر کې د هغوی خدمتونه او قربانۍ ستايي.

د دغه مسلخ مسوولین وايي، د دغه شرکت له لارې اوس کولای شي په منظم ډول دولتي ادارو او ښار کې فعالو قصابیو ته غوښه برابر کړي.

د یاد شرکت مشر رحمت الله عباس ویلي، د مسلخ ترڅنګ دغه اداره په ښار کې خپلې قصابۍ هم لري چې د ده په وینا د بازار له نورو پلورونکو په پرتله غوښه په ټیټه بیه عرضه کوي.

د شرکت د صحي څانګې مسوولین زیاتوي چې د حلالې له ترسره کېدو وړاندې ټول حیوانات طبي معاینه کېږي او یوازې تر تایید وروسته یې غوښه بازارونو او ځینو دولتي ادارو ته وړاندې کېږي.

د دوی په وینا، دا مهال شاوخوا ۵۰ تنه قصابان د دې ادارې په بېلابېلو برخو کې په کار بوخت دي.

بل لور ته، افغانستان د کورني تولید ترڅنګ هر کال د خپلې غوښې د اړتیاوو د پوره کولو لپاره له سعودي عربستان، ترکیې، ایران او اروپایي اتحادیې څخه هم غوښه واردوي.

د دغه شرکت د خبرپاڼې له مخې، د دې شرکت رهبري پلاوي د خپل رسمي سفر په ترڅ کې روسیې ته تللي او هلته یې د برېښنا له یو شمېر مهمو او معتبرو تولیدي او تخنیکي کمپنیو له استازو سره لیدنې کړې دي.

په خبرپاڼه کې ویل شوي، روسي معتبرې کمپنۍ چمتووالی ښودلی چې له افغانستان برېښنا شرکت سره د برېښنا شبکو د پراختیا، تخنیکي روزنې او د انرژۍ اړوند نورو برخو کې همکاري وکړي.

خبرپاڼه زیاتوي چې په نږدې راتلونکي کې به د روسي کمپنیو تخنیکي ټیمونه افغانستان ته سفر وکړي، او د دواړو لورو تخنیکي ډلې به د برېښنا اړوند پروژو د عملي کولو لپاره ګډ کار پیل کړي.

د طالبانو په باور، دا ډول همکارۍ کولی شي هېواد ته د دوامدارې برېښنا د تامین زمینه برابره کړي او په کور دننه د برېښنا د تولید او شبکو د پیاوړتیا په برخه کې مهم رول ولوبوي.

د امریکا د استازو جرګې غړې سیدني کملیجر-دوو په خپله ایکس پاڼه لیکلي، واشنګټن له هغو افغانانو سره ژمنه کړې وه چې له امریکایي ځواکونو سره یې همکاري کړې وه، څو هغوی وکولای شي له جګړې وروسته په امریکا کې خوندي ژوند پیل کړي.

نوموړې د دې ژمنې د ماتېدو په غبرګون کې ویلي: «ټرمپ دا ژمنه ماته کړې ده، خو تر دې هم بد دا چې هغه زموږ افغان متحدین ګواښي چې یا به بېرته د طالبانو تر واک لاندې افغانستان ته ستانه شي او یا به د کانګو دیموکراتیک جمهوریت ته واستول شي.»

هغې ټینګار کړی چې دا ډول انتخاب «انتخاب نه، بلکې د مرګ سزا ده.»

کملیجر-دوو همداراز د امریکا د کډوالو پراوسنیو تګلارو نیوکه کړې او ویلي یې دي، دې ادارې مجرم کسان هغو هېوادونو ته شړلي چې اصلاً ورسره تړاو نه لري، خو د هغو افغانانو لپاره چې د امریکایي سرتېرو ساتنه یې کړې، «یو خوندي درېیم هېواد هم نه شي موندلی.»

هغې د خپلو څرګندونو په پای کې لیکلي: «پر هغوی دې شرم وي.»

دا څرګندونې په داسې حال کې کېږي چې د افغان کډوالو او د امریکا د پخوانیو متحدینو د برخلیک په اړه اندېښنې زیاتې شوې دي، او ګڼ شمېر سیاستوال د هغوی د خوندي انتقال او بیا مېشتېدو غوښتنه کوي.