په ننګرهار کې اته کلن ماشوم د کانال په اوبو کې د ډوبېدو له امله مړ شوی

له دغه ادارې څخه په خپره شوې خبرپاڼه کې راغلي، چې په یاده ناسته کې ملا ترابي د کډوالۍ نړیوال سازمان د رغنیزو، مخنیوي پروژو او بېړنیو مرستو په برخو کې یو مهم او اغېزمن شریک بللی. هغه همداراز د یادې ادارې لپاره د رضاکارانو د جذب روان بهیر ته اشاره وکړه او ویې ویل چې دا پروسه په چټکۍ سره روانه ده او ژر به بشپړه شي. نوموړي د دغو رضاکارانو پر ملاتړ ټینګار وکړ.

په خبرپاڼه کې د میا پارک له قوله ویل شوي، چې ای او ایم خپلو همکارانو ته لارښوونه کړې څو له دې ادارې سره فعاله او جدي همکاري وکړي.

اغلې پارک زیاته کړې، چې موخه یې دا ده چې د پېښو د مدیریت لپاره یو قوي او فعال میکانیزم رامنځته کړي، او په همدې خاطر د اړیکو مرکزونو پیاوړتیا او د رضاکارانو توانمندۍ ته ځانګړې پاملرنه کوي.

نوموړې همداراز وویل،چې په پکتیا ولایت کې پاتې نیمګړې پروژې بېرته پیل شوې دي او تمه ده په نږدې وخت کې بشپړې شي.

هغې ویلي،چې په کونړ ولایت کې د زلزله ځپلو خلکو لپاره د سرپناه جوړولو چارې روانې دي او هڅه کوي چې له تمویلونکو څخه د دې برخې لپاره نوره بودیجه هم ترلاسه کړي، ځکه زیانمن خلک جدي مرستو ته اړتیا لري.

د طالبانو د ننګرهار امنیه قومندان نن یکشنبه، د غويي پر ۶مه اعلان وکړ، چې ددغه ولایت د مرکز جلال اباد ښار د دويمې امنيتې حوزې په سیمه کې کور ته ورغلو غلو ددوی پر پولیسو ځوابي ډزې وکړې، چې په پایله کې یې د غلو مشر بشير لومړی ټپي شو او وروسته ومړ.

خو د بشیرخان کورنۍ افغانستان انټرنشنل ته وویل، چې دوی د طالبانو دا ادعا ردوي او ددې پيښې د څرنګوالي د معلومولو لپاره باید یو خپلواک پلاوی وټاکل شي.

د بشیرخان زوی او ورور چې په په یوه اروپايي هېواد کې ژوند کوي، وايي، « دا ټوله سناریو د طالبانو له خوا جوړه شوې ده او هېڅ حقیقت نه لري».

د بشیرخان کورنۍ وايي، چې طالبانو پر دوی زور اچولی چې دا موضوع به نه رسنیزه کوي او په هېواد کې دننه نژدې خپلوانو باندې یې فشار راوړی چې په « دې موضوع پسې مه ګرځئ».

یاده کورنۍ نیوکه کوي، چې طالبانو له پيښې درې ورځې وروسته دوه کسان رسنیو ته ښکاره کړي او ضد او نقص څرګندونې کوي.

دغې کورنۍ زیاته کړې چې د بشیر خان پر بدن د ډزو د نښو ترڅنګ د سختې شکنجې نښې هم لیدل کېږي او بدن یې شین شوی و. دوی وایي، چې طالبانو په لومړیو کې د جسد له سپارلو ډډه کوله او فشار یې پرې راوړی و چې موضوع باید رسنیزه نه کړي.

ياده کورنۍ پر طالبانو نیوکه کوي چې په دغه نظام کې قانوني بهیر نشته او هر وسله‌وال طالب پخپله هم قوماندان دی او هم قاضي، چې خپله پرېکړه پخپله عملي کوي.

د طالبانو د بهرنیو چارو وزارت د یکشنې په ورځ، د یوې اعلامیې په خپرولو سره ویلي، چې امیرخان متقي له شهزاده فیصل بن فرحان سره د خبرو پرمهال د افغانستان او سعودي د دوو اړخیزو اړیکو پر پراختیا ټینګار وکړ او په سیمه کې یې د ثبات لپاره د دغه هېواد د هڅو ستاینه وکړه.

اعلامیه زیاتوي، چې متقي په سعودي عربستان کې د مېشتو افغانانو لپاره د اسانتیاوو برابرولو او د ډیپلوماټیکې استازولۍ د بشري ظرفیت لوړولو په اړه هم خبرې کړې دي.

د طالبانو د بهرنیو چارو وزارت په وینا، شهزاده فیصل بن فرحان په سیمه کې روان وضعیت مهم بللی او د شخړو د پای ته رسېدو لپاره یې پر خبرو اتررو او ډيپلوماسۍ ټینګار کړی دی.

د رشید وزیري کورنۍ افغانستان انټرنشنل ته وویل، چې نوموړی ناروغ و او له څه وخت راهیسې په روغتون کې بستر و.

رشید وزیري په جنوبي وزیرستان کې زیږېدلی و او کابل ته له تګ وروسته یې د افغانستان د خلق ډیموکراتیک ګوند غړیتوب اخېستی و.

نوموړي په کوټه ښار کې د افغانستان د جنرال کونسل، د سرحدونو او قبایلو چارو وزارت د معیین او د خلق دیموکراتیک ګوند د کنترول او نظارت د څانګې مسوول په توګه دندې ترسره کړې.

له ۲۰۰۱ کال وروسته نوموړي د افغانستان د سیمه‌ييزو مطالعاتو د مرکز د قبایلو او پښتونخوا په څېړنیزه څانګه کې دنده ترسره کوله.

د طالبانو د کورنیو چارو وزارت ویاند عبدالمتین قانع نن یکشنبه، د غويي پر ۶مه وویل، چې دا لوی بدلون د طالبانو د مشرتابه د اغیزناک مدیریت او د دوی د امنیتي ځواکونو د هڅو پایله ده.

نوموړی ویلي، چې طالبانو افغانستان له ناامنۍ څخه امنیت او اقتصادي ودې ته رسولی او دا یې د سوکالۍ لپاره په یوه مهم تاریخي فرصت بدل کړی دی.

هغه دغه راز ویلي، چې د طالبانو امنیتي ادارې د ملي او نړیوالو پروژو او پانګونې لپاره د خوندي چاپیریال رامنځته کولو پلانونه لري.

د قانع په وینا، د ښه امنیتي وضعیت له امله ټرانزیټ په ښه توګه روان دی او د خصوصي سکتور ملاتړ شوی.

د طالبانو د کورنیو چارو وزارت ویاند ټینکار کړي، چې دې ډلې په سیمه ییزه کچه خپل امنیتي ماموریت په اغیزناک ډول ترسره کړی، د ثبات او تلپاتې امنیت ساتلو ته ژمن دي او دا لاسته راوړنه به په کلکه وساتي او پیاوړې به یې کړي.

د نړیوال تروریزم شاخص ادارې ویلي، چې افغانستان په ۲۰۲۶ کال کې د ناامنه هېوادونو په ډله کې شپږم ځای لري.

دوه ورځې وړاندې د افغانستان لپاره د اروپايي ټولنې ځانګړي استازي کابل ته د خپل سفر په پای کې د ترهګرو ډلو د حضور او فعاليتونو په اړه اندېښنه څرګنده کړه او ويې ويل چې دغه ډلې د سيمې او نړۍ لپاره ګواښ بلل کېږي.