په واشنګټن کې د ټرمپ په ګډون یوې غونډې ته نږدې د ډزو غږونه اورېدل شوي دي
د امریکا د واشنګټن په یوه هوټل کې ولسمشر ټرمپ له خبریالانو سره پر ماښامۍ مجلس بوخت وو، چې ورسره جوخت مجلس ته نږدې د ډزو غږونه واورېدل شول. د ډزو له غږونو سره سم، ډونالډ ټرمپ او نور لوړ پوړي چارواکي امن ځایونو ته لېږدول شوي دي. ټرمپ ویلي، بریدګر نیول شوی دی.
ټرمپ ویلي، تر نیم ساعت پورې به د دغې پېښې په تړاو په سپینه ماڼۍ کې په یوه خبري کنفرانس کې وینا وکړي. هغه زیاته کړې: «لومړۍ مېرمن، د ولسمشر مرستیال او د دولت ټول غړي په ښه حالت کې دي».
