طالبان وایي د جوزجان یتیمتاق د سمنټو فابریکې چارې سبا پیلېږي
د طالبانو د کانونو او پټرولیم وزارت وايي، د جوزجان ولایت د یتیمتاق د سمنټو فابریکې عملي چارې به سبا په رسمي ډول پیل شي.
د طالبانو د کانونو او پټرولیم وزارت وايي، د جوزجان ولایت د یتیمتاق د سمنټو فابریکې عملي چارې به سبا په رسمي ډول پیل شي.
د یاد وزارت ویاند همایون افغان نن یکشنبه (د غويي ۶مه) پر خپله اېکس پاڼه لیکلي چې دغه پروژه به سبا رسما پرانیستل شي. د هغه په وینا، د فابریکې ټول لګښت شاوخوا ۱۶۰ میلیونه ډالره دی او په ورځ کې د ۳۰۰۰ټنه سمنټو د تولید وړتیا لري.
چارواکي زیاتوي چې د دې پروژې په پلي کېدو سره به شاوخوا ۵۰۰۰ کسانو ته د کار زمینه برابره شي.
افغانستان کې اوس مهال د سیمنټو سترې فابریکې په هرات، کندهار بغلان، کندز او ځینو نورو ولایتونو کې فعالیت لري. د دې تر څنګ افغانستان د خپلې اړتیا وړ سمنټ له ایران او پاکستان څخه هم واردوي. له بل پلوه ایراني چارواکي وایي، د دوغارون او اسلامکلا له لارې هر کال شاوخوا ۴زره ټنه د تربتجام سمنټ افغانستان ته صادرېږي.
