له واکمنېدو وروسته د طالبانو تکراري غوښتنه: ولس دې له طالبانو ملاتړ وکړي

د یاد ریاست د اړیکو او عامه پوهاوي مدیر حامد الهام ویلي چې په خوشې شویو مرغانو کې ۱۵ زرکې، ۸ میناوې، ۱۲ جل مرغان او یو شاهین شامل دي.

هغه زیاته کړې چې دا اقدام د ژوو د بیلابیلو نسلونو د ساتنې او د وحشي ژوو د ناقانونه ښکار او ساتنې د مخنیوي په موخه ترسره شوی دی.

د هرات د چاپېریال ساتنې ریاست ټینګار کوي چې د مرغانو د راټولولو بهیر به دوام ولري او له سرغړوونکو سره به قانوني چلند وشي.

دغه مرغان د هرات ښار د تخته صفر تفریحي پارک په شنه طبیعت کې خوشې شوي او بېرته خپل طبیعي چاپېریال ته ستانه شوي دي.

ددغه ریاست مسوولین وايي، د یاد ریاست مسلکي کارکوونکو په تېرو څو ورځو کې د دغه ولایت د مرکز اړوند سیمو کې د لرغون پېژندنې په ترڅ کې ۲۴ تاریخي اثار کشف او ترلاسه کړي دي.

د ریاست د معلوماتو له مخې، ۲۳ سفالي (خټین) اثار چې د اوبو د پایپونو په بڼه دي، د غزني ښار د اسفنده سیمې څخه ترلاسه شوي دي. همداراز یو ډبرین لیکلی اثر چې په پنځو ټوټو کې لیکل شوی، د لومړۍ امنیتي حوزې اړوند سیمه کې موندل شوی دی.

غزني کې د طالبانو اطلاعاتو او فرهنګ رییس ویلي چې دغه سفالي اثار د اسفنده په سیمه کې د وروستیو سېلابونو له امله راڅرګند شوي وو، چې د ریاست مسلکي ډلې د امنیتي ځواکونو په همکارۍ له ساحې راټول او د غزني د اطلاعاتو او فرهنګ ریاست اړوند موزیم ته انتقال کړل.

مسوولین زیاتوي چې د دغو اثارو د ساتنې او څېړنې لپاره لازم اقدامات ترسره شوي څو د هېواد د تاریخي او فرهنګي میراث په توګه خوندي پاتې شي.

د طالبانو د بهرنیو چارو وزارت د عامه اړیکو رییس حافظ ضیاء احمد تکل په خپله ایکس پاڼه کې لیکلي، چې د مولوي امیرخان متقي په کابل کې د دودیزې غیږنیونې نړیوالې جشنوارې د ګډون کوونکو هېوادونو له استازو سره لیدنه کړې ده.

په دې لیدنه کې متقي د افغانستان او سیمې ترمنځ کلتوري یووالی او اړیکې تاریخي بللي او ویلي یې دي چې د ورزشي ډیپلوماسۍ له لارې هڅه کوي له نړیوالې ټولنې سره اړیکې لا پراخې او پیاوړې کړي.

هغه زیاته کړې چې د ورزشکارانو لپاره د ویزو او نورو اسانتیاوو د برابرولو په برخه کې هڅې روانې دي او په وینا یې د طالبانو له بیا واکمنېدو وروسته د دودیزو لوبو او ورزشونو په برخه کې د پام وړ پرمختګونه شوي دي.

ضیا احمد لیکلي، د ګډون کوونکو هېوادونو ورزشي استازو د افغانانو د مدیریت او د غیږنیونې د مهارتونو ستاینه کړې او په دې برخه کې یې د ګډې همکارۍ ژمنه څرګنده کړې ده.

د یادونې وړ ده چې د اوو هېوادونو ترمنځ د دودیزې غیږنیونې نړیواله جشنواره د افغانستان په کوربه‌توب تېر پنجشنبه په کابل کې پیل شوې، چې له ازبکستان، قرغیزستان، ترکمنستان، تاجکستان، ایران او ترکیې څخه ۶۰ بهرني او ۱۰۰ داخلي ورزشکاران پکې ګډون لري.

په اسټرالیا کې د افغانستان سفارت په خپله ایکس پاڼه کې د اسټرالیا او نیوزیلنډ د سرتیرو د یاد ورځې په مناسبت پیغام خپور کړی او ویلي یې دي چې د هغو کسانو درناوی کوي چې د افغانستان په ماموریت کې یې دنده ترسره کړې ده.

په پیغام کې ویل شوي چې په افغانستان کې د ماموریت پر مهال ۴۱ اسټرالیایي او ۱۰ نیوزیلنډي سرتېري وژل شوي او د هغوی قربانۍ د درناوي وړ دي.

سفارت زیاته کړې چې «د هغوی قربانۍ په درناوي سره یادېږي» او د یادونې په توګه یې د #LestWeForget هشتګ هم کارولی دی.

دا څرګندونې په داسې حال کې شوې دي چې هر کال د اسټرالیا او نیوزیلنډ خلک د “انزاک ورځې” په نوم د خپلو سرتېرو یادونه کوي او د جګړو په بهیر کې د هغوی خدمتونه او قربانۍ ستايي.

د دغه مسلخ مسوولین وايي، د دغه شرکت له لارې اوس کولای شي په منظم ډول دولتي ادارو او ښار کې فعالو قصابیو ته غوښه برابر کړي.

د یاد شرکت مشر رحمت الله عباس ویلي، د مسلخ ترڅنګ دغه اداره په ښار کې خپلې قصابۍ هم لري چې د ده په وینا د بازار له نورو پلورونکو په پرتله غوښه په ټیټه بیه عرضه کوي.

د شرکت د صحي څانګې مسوولین زیاتوي چې د حلالې له ترسره کېدو وړاندې ټول حیوانات طبي معاینه کېږي او یوازې تر تایید وروسته یې غوښه بازارونو او ځینو دولتي ادارو ته وړاندې کېږي.

د دوی په وینا، دا مهال شاوخوا ۵۰ تنه قصابان د دې ادارې په بېلابېلو برخو کې په کار بوخت دي.

بل لور ته، افغانستان د کورني تولید ترڅنګ هر کال د خپلې غوښې د اړتیاوو د پوره کولو لپاره له سعودي عربستان، ترکیې، ایران او اروپایي اتحادیې څخه هم غوښه واردوي.