سهیل اپریدی: د عمران خان د خوشې کېدو لپاره له کشمیره د لاریونونو لړۍ پیل کوو

د خیبر پښتونخوا په پېښور کې عالي محکمې د حضرت رحمان په نوم د یوه پاکستاني وګړي د کمپیوټري پېژندپاڼې (شناختي کارت) د ترلاسه کولو په اړه پرېکړه کړې ده.

قضیه وروسته له هغه مطرح شوې چې حضرت رحمان د اقتصادي ستونزو له امله د افغان کډوالو لپاره د ۱۹۸۰ لسیزې د نړیوالو مرستو د ترلاسه کولو په موخه د افغان کډوالۍ د پېژند کارت (پي او آر کارت) جعلي نسخه جوړه کړې وه.

د نوموړي مدافع وکیلې ثناء ګلزار محکمې ته ویلي چې موکل یې اصلا پاکستاني تبعه دی، خو د بې وزلۍ له امله یې د لنډ مهال لپاره جعلي افغان کارت کارولی و، څو له مرستو برخمن شي. هغې زیاته کړې چې د همدې وجې له کبله د پاکستان د تابعیت ادارې (نادرا) نوموړي ته پېژندپاڼه نه ورکوله.

محکمې د دوسیې له اورېدو وروسته د مدافع وکیلې دلایل ومنل او د حضرت رحمان د حق په تایید یې حکم صادر کړ.

په پرېکړه کې محکمې د پاکستان د تابعیت ورکوونکې ادارې (نادرا) او نورو اړوندو ادارو ته لارښوونه کړې چې د ۹۰ ورځو په موده کې نوموړي ته د کمپیوټري پېژندپاڼې اجرا وکړي.

عدالت همداراز ویلي چې د جعلي افغان کارت جوړول د اقتصادي مجبوریو له امله ترسره شوي، خو اوس باید د قانون له مخې د هغه د تابعیت رسمي اسناد ورکړل شي.

میا افتخار حسین د شنبې په ورځ (د غويي ۵مه) د «ځوانانو ځواکمنه پارلمان» په پرانېستې مراسمو کې وویل، چې د حکومتي چارواکو د بې‌کفایتۍ له امله د پاکستان ولس د اتلسمې اساسي تعدیل له ګټو بې‌برخې پاتې دی. هغه زیاته کړه، چې د پارلمان د غړو اصلي دنده دا ده، چې نظام او پالیسي اصلاح کړي او د ولس لپاره ریښتینی خدمت وکړي.
میا افتخار حسین ټینګار وکړ، چې د سیاست، ډيموکراسۍ او پارلمان پیاوړتیا کې د ځوانانو رول ډېر مهم دی او زیاته یې کړه: «د ملت حقوقو ساتنه او د سولې ټینګښت کې ځوانانو ته ستر مسوولیتونه ورترغاړې دي».

میا افتخار حسین پاکستان کې د ټاکنو پر شفافیت شک څرګند کړ او ویې ویل، چې دلته انتخابات هم د درغلیو ښکار کېږي، ځکه په باور یې، اوس د پیسو په بدل کې خلک پارلمان ته استول کېږي او دا ډول استازي نه‌شي کولای د ولس استازیتوب وکړي.

نوموړي زیاته کړه: «پر پیسو راغلي کسان نه‌شي کولای د ملت قضیه په زغرده مطرح کړي».
ده ټینګار وکړ، «هغه کسان چې قوي نظریات لري، قوي کردار لري او ملت پرې باور کوي او چې د ولس په رایو پارلمان ته راشي، نو هېڅکله د ملت د حقوقو پر سر معامله نه‌کوي».
میا افتخار حسین په ډاګه کړه: «تر هغې چې پارلمان د واک اصلي مرکز نه‌شي، د ولس ستونزې به نورې هم ډېرې شي.»

د پاکستان حکومت د میا افتخار حسین د دغو څرګندونو په تړاو څه سپیناوی نه‌دی کړی او تر دې مخکې د دغه هېواد د اپوزیسیون مشر هم د پارلمان پر پياوړتیا ټينګار کړی دی.

د پښتونخوا د اطلاعاتو سلاکار شفيع جان د شنبې په ورځ (د غويي ۵مه) وويل، د پاکستان د مرکزي حکومت له لوري د تېلو د بیو لوړول د غريب ولس پر جېب ډاکه او ولس دښمنه پرېکړه ده.

هغه زياته کړه، د ولس له رایو پرته راغلي مرکزي حکومت د تېلو د بیو په لوړولو سره فقر ځپلی ولس لاپسې وځاپه.

د يادونې وړ ده، چې د پاکستان د پټرولیم وزارت د جمعې په شپه (د غويي ۴مه) د ډیزل او پټرول د هر لیتر په بیه کې ۲۶ روپۍ او ۷۷ پیسې ډېروالی اعلان کړی.

په پاکستان کې د تېلو بيې یو ځل بيا لوړې کړای شوې | افغانستان انټرنشنل پښتو

د دغه اعلان له‌مخې، په ټول پاکستان کې د يو ليتر پټرول بیه ۳۹۳ روپۍ او ۳۵ پیسې او د یو لیتر ډيزل بیه ۳۸۰ روپۍ او ۱۹ پیسې ټاکل شوې ده.

سهېل اپريدي د جمعې په ورځ (د غويي ۴مه) د خپلې کابينې غونډه کې د ملي او صوبايي پر چارو له خبرو او پر مرکزي حکومت له نیوکو سربېره وویل: «په پاکستان کې چې کوم خلک واکمن کړل شوي په ناسمه لاره را وستل شوي دي».

هغه همداراز زیاته کړې، د پاکستان له حکومت سره د ولس د هوساینې فکر نه‌شته او یوازې د تحریک انصاف ګوند په ختمولو پسې راخیستې ده.

اپریدي د عمران خان او د هغه د مېرمنې بُشرا بي‌بي درملنې او قضیو ته په سمه توګه پر نه‌رسېدنې هم نیوکې وکړې.

د پاکستان مرکزي حکومت لا تراوسه د سهیل اپریدي د دغو څرګندونو په تړاو څه نه‌دي ویلي.

د باجوړ پولیسو زیاته کړې، له پېښې وروسته وسله‌والو د یادو ټپيانو پر لېږدونکي امبولانس هم ډزې کړي، خو لا تر اوسه په دغې پېښه کې د وژنې خبر نه‌دی ترلاسه شوی.

د سرچینې په وینا، له پېښې وروسته یاده سیمه د پولیسو له لوري کلابنده شوې او د عاملینو د نیولو په موخه عملیات پیل شوي دي.

د خیبر پښتونخوا په بنو کې ناپېژاندو وسله‌والو دوه ځوانان تر تښتولو وروسته وژلي دي | افغانستان انټرنشنل پښتو

تر دې مخکې ناپېژندو وسله‌والو د خیبر پښتونخوا د بنو له دومیل سیمې څخه د شفیع‌الله او فهیم‌الله په نومونو دوه ځوانان تښتولي او وروسته یې بیا وژلي وو.