د بلوچستان په قلعه عبدالله کې دوه افغان کارګران په ډزو وژل شوي
د پاکستان د بلوچستان ایالت قلعه عبدالله ولسوالۍ په ګلستان سیمه کې دوه افغان وګړي، چې د مزدورۍ لپاره ورغلي وو، په ډزو وژل شوي دي.
ځايي پولیسو ویلي، پېښه د ګلستان په سیمه کې رامنځته شوې او قربانیان، چې باچا خان او شاه محمد نومېږي، د کار موندنې په موخه دغه سیمې ته تللي وو.
د پولیسو په وینا، د پېښې له رامنځته کېدو وروسته امنیتي ځواکونه سمدستي د پېښې ځای ته رسېدلي او جسدونه یې د کلا عبدالله د مېزۍ اډې روغتون ته یې لېږدولي دي.
پولیس زیاتوي چې د قانوني بهیر له بشپړېدو وروسته به د وژل شویو جسدونه د هغوی کورنیو ته وسپارل شي.
تر اوسه د برید د انګېزې او عاملانو په اړه څه نه دي ویل شوي او پلټنې روانې دي.
