طالبانو په اوو ولایتونو کې ۳۱ تنه د غلا او نورو جنايي جرمونو په تړاو نیولي

د طالبانو د پوهنې په وزارت کې سرچینو نن یکشنه، د غويي پر ۶مه افغانستان انټرنشنل ته رسېدلي سندونه تایید کړل او ویې ویل، چې د کابل او ټولو ولایتونو او ولسوالیو د پوهنې امریتونو ته ویل شوي، چې له لومړي ټولګي څخه تر دوولسم ټولګي پورې په ښوونیز نصاب کې ۵۱ موارد د طالبانو د پالیسیو خلاف دي.

په دغو ۵۱ مواردو کې ولسي نرخونه «مچلغه»، د بامیانو مجسمې، حضرت علي، په ټولنیزو ژوند کې د ښځو ونډه، ښځې او لنډۍ، پسرلی، فردي ازادي، ولسواکي، د بشري حقونو کمېسیون او د افغانستان د موسیقۍ پلار استاد قاسم هم شامل دي.

ددغو سندونو په یوه برخه کې اساسي قانون، زموږ دولت، ملي شورا، ولسي جرګه، قضايي او اجرایه قواوې، د ماشومانو حقونه، ښځو حقونه، بن غونډه، لنډ مهاله اداره، بېړنۍ لویه جرګه، انتقالي اسلامي دولت، د هېواد د بیا رغونې پیل او ولسمشریزې ټاکنې هغه موضوعات دي، چې طالبانو له ښوونیز نصاب څخه لرې کړای شوي دي.

د سندونو له مخې، شپږ میاشتې وړاندې د طالبانو تر واک لاندې د پوهنې وزارت ددې ډلې ریاست الوزرا ته وړاندیز کړی و، چې ښوونیز نصاب له سره وکتل شي، چې ددې وړاندیز له مخې، د طالبانو ریاست الوزرا موضوع د کره کتنې ځانګړي کمیسیون ته وسپارله او له کرکتنې وروسته یې دا ۵۱ موارد له ښوونیز نصاب څخه لرې کړل.

د سندونو په پای کې د طالبانو د پوهنې وزارت څلورو مرستیالانو لاسلیکونه کړي دي او په متن کې لیکل شوی، چې د ښوونځیو له لومړي ټولګي څخه تر دولسم ټولګي پورې «پرته له ساینسي مضامینو» د موظفې کمیټې له لوري په نښه شوي موارد د طالبانو له پالیسیو سره په ټکر کې دي او باید له نصاب نه واېستل شي.

د طالبانو د پوهنې وزیر حبیب الله اغا په بامیان کې یوې غونډي ته د وینا پر مهال د عصري علومو پر زده کړې په ټینګار سره د پرمختللي دفاعي سیستم جوړول د اوسني وخت جدي اړتیا بللې ده.

حبیب الله اغا ویلي، چې که دښمن په سمندر کې او یا د هوا له لارې بمبار کوي، نو د دفاع لپاره یې باید عصري دفاعي وسایل جوړ شي.

نوموړي زیاته کړې:«اوس زه او ته په توره، په غشي، په کلاشنکوف او ژړه بوشکه باندې د دښمن دفاع نه شو کولی».

نوموړي ویلي، چې له زیړې بوشکې استفاده هغه وخت اړینه ده، چې بهرنی تېری وکړي او دوی به یې پر سړک ورته ښخه کړي خو په اوسني عصر کې پر زیړې بوشکي سربېره باید پرمختللی سیستم موجود وي.

نوموړي د خپلو خبرو پرمهال پر ایران د امریکا او اسراییل ترمنځ جګړې ته هم اشاره کړې او وايي، داسې انګېرل کېده، چې ایران به په روانه جګړه ماته وخوري، خو دده په وینا، «ایران د پرمختللي دفاعي سیستم په لرلو سره برلاسی دی».

نوموړي د عصري علومو په مټ د پرمختللي دفاعي سیستم پر جوړیدو داسې مهال ټینګار کوي، چې په تېرو څو میاشتو کې د پاکستان هوايي ځواکونو د افغانستان پر یو شمېر ولایتونو بمبارۍ وکړې او طالبانو یې پر وړاندې په دهشکو هوايي دفاع کوله.

د طالبانو عدلیې وزارت د یکشنبې په ورځ وویل، چې د دې ډلې د غصب شویو ځمکو قضیو ته د رسیدګي ځانګړي محکمې د کابل ښار په لویدیځ کې په شپږمه او دیارلسمه ناحیه کې د امید سبز ښارګوتي د ځمکې د سندونو او مدارکو له څېړنې وروسته د یاد ښارګوټي ټوله څه باندې ۱۵۰۰ جریبه ځمکه دولتي اعلان کړه.

یاد وزارت ویلي، چې ځانګړي م‍حکمې پریکړه کړې، چې د امید سبز ښارګوټي ټوله ځمکه دې د ځمکو له غصب څخه د مخنیوي او د غصب شویو ځمکو د استراد کمېسیون ته وسپارل شي.

وزارت زیاته کړې چې د هېواد په کچه د دولتي ځمکو د ارزونې، تثبیت او استرداد بهیر دوام لري او د ځمکو له غصب څخه د مخنیوي کمېسیون، ولایتي تخنیکي پلاوي او اړوندې ځانګړې محکمې د اسنادو، مدارکو او د دولتي ادارو اړوندو معلوماتو له کره ارزونې وروسته، د دولتي غصب شویو ځمکو په اړه پرېکړې کوي.

له دې وړاندې د طالبانو یادې محکمې په نهمه ناحیه کې د عمرګلستان ښارګوټي ځمکه هم دولتي اعلان کړې وه.

ددغه ښارګوټي اوسېدونکو په یوه اعتراضي غونډه کې وویل، چې دوی په دغو ښارګوټو کې کورونه او اپارتمانونه پېرلي دي او د ابادۍ او ځمکې ترمنځ باید توپیر وشي.

د کابل یو شمېر ښاریانو افغانستان انټرنشنل ته وویل، چې د طالبانو دغو پرېکړو ددوی پر ژوند ناوړه اغیز کړی او په ځینو سیمو کې د کورونو نړېدو له امله د کورونو کرایې هم لوړې شوې او د احمدشاه بابا مېنې په څېر په ځینو سیمو کې د کډوالو د راتګ له امله کورونه نه موندل کیږي.

د افغانستان رسنیو ملاتړ سازمان نن یکشنبه، د غويي پر ۶مه د اعلامیې په خپرولو سره په اېکس کې لیکلي، چې د هغه مړینه د افغانستان د رسنیو او فرهنګي کدرونو لپاره یوه لویه ضایعه بلل کیږي.

د یاد سازمان په وینا، عزیزي له سختو شرایطو سره سره د مسلکي ارزښتونو د پاللو لپاره هڅې کولې او د رسنیو په ډګر کې یې مهم رول درلود.

حبیب الله عزیزي د طالبانو له راتګ څخه وړاندې د طلوع نیوز خصوصي رسنۍ سره لس کاله کاري سابقه درلوده او هغه مهال د افغانستان په بېلابېلو ولایتونو کې د سختو جګړو پرمهال د خبریالانو ملتیا کوله او په دې برخه کې سختې ورځې ګاللې دي.

په بلخ کې د طالبانو والي او د مولو ي هبت الله د کړۍ نږدې کس اسدالله وفا د طالبانو د ادارې په ملاتړ یوې غونډې ته د یکشنبې په ورځ وویل، چې د طالبانو اداره «د خلکو له منځه» راټوکېدلې او د اسلامي شریعت په چوکاټ کې د ولس نظرونو او مشورو ته ارزښت ورکوي.

د افغانستان او پاکستان ترمنځ له شخړو وروسته طالبانو د افغانستان په مختلفو ولایتونو، په ځانګړې توکه د هېواد په شمالي ولایتونو کې د ولسي غونډو په جوړولو پیل کړی دی.

دغه غونډې د طالبانو د قومونو او قبایلو چارو وزارت تر مشرۍ لاندې جوړیږي او ډېری ددغه وزارت وزیر پکې ګډون کوي.

د طالبانو دغه والي ادعا وکړه، چې د جمهوري نظام هیڅ قانون او تګلاره د افغانانو په نبض جوړه نه وه.

هغه په خپلو خبرو کې وویل، « اسلامي امارت د خلکو له متن څخه انتخاب شوی نظام دی چې د اسلامي شریعت په رڼا کې د ولس هرې مشورې او نظر ته د قدر په سترګه ګوري».

د طالبانو دغه چارواکی داسې مهال خپله اداره «د ولس له منځه انتخاب شوی نظام» بولي، چې یادې ډلې د ۲۰۲۱ کال په اګست کې د زور له لارې کابل ونیوه او د ټاکنو له لارې د مشر د انتخاب پرځای پر بیعت باور لري.