بحرین د ایران د بریدونو د «ستاینې او ملاتړ» له امله د ۶۹ کسانو تابعیت لغوه کړی
د بحرین د کورنیو چارو وزارت اعلان وکړ چې د ۶۹ کسانو تابعیت یې لغوه کړی دی، ځکه هغوی د ایران د «دښمنو کړنو ملاتړ یا ستاینه» کړې او له بهرنیو اړخونو سره یې اړیکې درلودې. وزارت ویلي چې په دغو کسانو کې ځینې تورن کسان او د هغوی د کورنۍ غړي شامل دي.
وزارت زیاته کړې چې دا پرېکړه د بحرین د پاچا حمد بن عیسی ال خلیفه د شاهي لارښوونو له مخې او د تابعیت د قانون د ۱۰ مې مادې د ۳ مې فقرې پر بنسټ شوې ده، چې له مخې یې د هغو کسانو تابعیت لغوه کېدای شي چې د هېواد د ګټو پر ضد عمل وکړي یا د وفادارۍ له اصولو سرغړونه وکړي.
د بحرین کورنیو چارو وزارت ویلي چې اړوندې ادارې لا هم د دې ارزونه کوي چې څوک د بحرین تابعیت وړ دي.
