بحرین د ایران د بریدونو د «ستاینې او ملاتړ» له امله د ۶۹ کسانو تابعیت لغوه کړی

پوتین د سیمې وضعیت ته په اشارې ویلې چې روسیه چمتو ده د منځني ختیځ د سولې او ثبات لپاره هر ډول ډیپلوماټیکې هڅې وکړي او هیله یې وښوده چې په نږدې راتلونکي کې به سوله ټینګه شي.

له بلې خوا د ایران د بهرنیو چارو وزیر عباس عراقچي وویل چې د ایران او روسیې اړیکې یو ستراتیژیک شراکت جوړوي چې دا به دوام وکړي او لا به هم پیاوړې شي.

د راپورونو له مخې، ایران او روسیې تېر کال د ۲۰ کلنې ستراتیژیکې همکارۍ تړون لاسلیک کړی او دواړه هېوادونه د انرژۍ، دفاع او سیمه‌ییز سیاست په برخو کې پراخې ګډې ګټې لري.

دغه لیدنه په داسې وخت کې شوې چې په منځني ختیځ کې د تاوتریخوالي او نړیوالو فشارونو کچه لوړه شوې او مسکو هڅه کوي د ډیپلوماسۍ له لارې د کړکېچ د کمېدو لپاره مثبت رول ولوبوي.

دغه بریدونه داسې مهال شوي، چې لاهم د اسراییل او حزب‌الله ترمنځ نازک اوربند پرځای دی؛ خو دواړه خواوې یو بل د اوربند په سرغړونې تورنوي. رویټرز راپور ورکړی، د اسراییل پوځ د لبنان «حایلي سیمې» خلکو ته خبرداری ورکړی چې له دغه سیمې او د سویلي لبنان له ځینو سیمو ووځي.

د اسراییل لومړي وزیر بنیامین نتنیاهو په بیت‌المقدس کې د کابینې یوې غونډه ته ویلي: «زموږ لپاره تر ټولو مهم د اسراییل او د خپلو سرتېرو امنیت او د خلکو خوندیتوب دی». هغه زیاته کړې، اسراییل به د هغو اصولو له مخې عمل کوي چې له امریکا او لبنان سره پرې هوکړه شوې ده.

بلخوا حزب‌الله ویلي، تر هغې به خپلو بریدونو ته دوام ورکړي؛ څو اسراییل خپل بریدونه او له اوربند څخه سرغړونې ونه دروي. راپورونه ښيي، چې د مارچ له پیل راهیسې د دواړو لورو ترمنځ په جګړو کې زرګونه کسان وژل شوي دي. که څه هم د امریکا په منځګړیتوب اوربند د تاوتریخوالي کچه راټیټه کړې؛ خو نښتې لاهم په بشپړ ډول نه‌دي درېدلې.

کېم جونګ اون په دغه لیدنه کې وویل، چې د شمالي کوریا ځواکونو او د روسیې پوځ یو کال مخکې د کورسک سیمه ازاده کړه او د دواړو هېوادونو همکاري به دوام ومومي.

هغه وویل: «د شمالي کوریا دولت به په راتلونکي کې هم په بشپړه توګه د د روسیې فدراسیون د هغو سیاستونو ملاتړ وکړي، چې د دغه هېواد د ملي حاکمیت، ځمکنۍ بشپړتیا، امنیت او ګټو د ساتنې لپاره دي».

د شمالي کوریا مشر زیاته کړه: «د روسیې پوځ او خلک به هرو مرو په خپلې عادلانه او سپېڅلې مبارزه کې بریالي شي». کېم همداراز د روسیې له مشرتابه د دواړو هېوادونو ترمنځ د اړیکو د پراختیا لپاره د هڅو مننه وکړه.

د شمالي کوریا رسمي خبري اژانس ویلي، چې د دغه هېواد مشر او د روسیې دفاع وزیر په خپله لیدنه کې «د نړۍوال او سیمه‌ییز کړکېچن وضعیت په اړه نظرونه تبادله کړل».

ټرمپ دا څرګندونې د سي بي ایس شبکې په۶۰ دقیقې په خپرونه کې کړې دي. هغه په دې مرکه کې هغه کس چې د سپینې ماڼۍ د خبریالانو د مېلمستیا پر مهال یې برید کړی و، «ډېر ناروغ انسان» وباله او زیاته یې کړه چې یاد کس «لومړی یو سخت مذهبي عیسوی و، خو وروسته د مذهب ضد شو او په شخصیت کې یې ډېر بدلونونه راغلي وو.»

د دې پوښتنې په ځواب کې چې څومره اندېښمن شوی و، ټرمپ وویل چې اندېښنه یې نه درلوده او زیاتوي: «زه ژوند درک کوم. موږ په یوې لېونۍ نړۍ کې ژوند کوو».

هغه د خپلې مېرمنې ملانیا ټرمپ د غبرګون په اړه هم وویل چې نه غواړي ووایي هغه وېرېدلې وه، ځکه خلک نه خوښوي چې داسې یادونه وشي، خو ټینګار یې وکړ چې په داسې حالت کې هر څوک وېرېږي. د هغه په وینا، ملانیا ښايي ژر درک کړې وه چې پېښه عادي نه ده او وضعیت جدي دی.

ټرمپ زیاته کړه،چې د پېښې له رامنځته کېدو وروسته یې مېرمن ډېره خواشینې ښکارېده.

د شمالي کوریا دولتي رسنۍ د دوشنبې په ورځ (د غويي ۷مه) ویلي، د روسیې د دفاع وزیر اندري بلوسوف په مشرۍ یو روسي پلاوی د هغو شمالي کوریايي سرتېرو په ویاړ د جوړ شوي څلي د پرانېستې په مراسمو کې د ګډون لپاره شمالي کوریا ته تللی، چې د روسیې په کورسک سیمه کې له اوکرایني ځواکونو سره په جګړه کې وژل شوي وو.

کیم‌جونګ‌اون په دې کتنه کې وویل: «د شمالي کوریا حکومت به له خپل حاکمیت، ځمکنۍ بشپړتیا او امنیتي ګټو څخه د دفاع په برخه کې د روسیې له پالیسیو بشپړ ملاتړ ته دوام ورکړي».

شمالي کوریا وروسته له هغه چې له روسیې سره یې د دوه اړخیز دفاع تړون لاسلیک کړ، نږدې ۱۴ زره سرتېري په کورسک کې د روسي ځواکونو ترڅنګ جګړې ته واستول.

د شمالي کوریا د دولتي رسنۍ په وینا، دواړو لورو د دوه اړخیزو اړیکو پر لا پراختیا هم ټينګار کړی دی.

د یادونې وړ ده، چې روسیې د ۲۰۲۲ په فبرورۍ کې پر اوکراین بریدونه پیل کړل او د هغه هېواد د نږدې پنځمې برخې له نیولو سربېره لا هم د دواړو لورو تر منځ جګړه روانه ده.