د اټومي تړون غونډه کې کړکېچ؛ امریکا د ایران ټاکنه «سپکاوی» وباله

د فرانسې د بهرنیو چارو وزارت په اعلامیه کې ویل شوي، چې دا مرستې د بحران او ملاتړ د همغږۍ مرکز له خوا تنظیم شوې دي او په کې ۲۶۸۰بکسونه د درملیزو چمتو خوړو او شاوخوا یو ټن طبي تجهیزات شامل دي.

په اعلامیه کې راغلي، چې دغه مرستې به ملګرو ملتونو ته وسپارل شي او د هغو شاوخوا ۳۲۰۰ماشومانو د درملنې لپاره به وکارول شي، چې تر پنځه کلنۍ کم عمر لري او د شدیدې خوارځواکۍ سره مخ دي.

د فرانسې د بهرنیو چارو وزارت ویلي، دا اقدام د اروپايي ټولنې د بشري هوايي دهلېز یوه برخه ده، چې د ۲۰۲۶کال په مارچ میاشت کې د افغانستان د حیاتي خوراکي توکو د کمښت د مخنیوي لپاره پیل شوی دی.

تر دې وړاندې هم د درې ورته پروازونو له لارې له ۲۷۰ټنو څخه زیات د درملیزو خوړو مرستې افغانستان ته انتقال شوې دي.

د ملګرو ملتونو د شمېرو له مخې، نږدې ۲۲میلیونه افغانان بشري مرستو ته اړتیا لري، چې په کې ۷،۵میلیونه ماشومان او امیندواره یا شیدې ورکونکې ښځې د خوارځواکۍ له جدي ګواښسره مخ دي.

په اعلامیه کې همداراز ټینګار شوی، چې فرانسه به د ملګرو ملتونو او په افغانستان کې د فعالو نادولتي سازمانونو له لارې خپلو بشري مرستو ته دوام ورکړي.

دا څلور ورځنی رسمي دولتي سفر په داسې وخت کې ترسره کېږي چې د دواړو هېوادونو ترمنځ اړیکې د ځینو وروستیو پېښو او سیاسي ترینګلتیاوو له امله لا حساسې شوې دي.

دغه سفر د سپینې ماڼۍ د خبریالانو د مېلمستیا په مراسمو کې له ډزو وروسته ترسره کېږي، چې د امریکا او بریتانیا ترمنځ د امنیتي اندېښنو او سیاسي بحثونو فضا یې لا زیاته کړې ده.

دا سفر د چارلز درېیم د واکمنۍ تر ټولو مهم او اغېزناک دولتي سفر بلل کېږي. همداراز دا سفر د امریکا د خپلواکۍ د اعلان د ۲۵۰مې کلیزې له نمانځلو سره هم‌مهاله ترسره کېږي، چې تاریخي اهمیت لري.

راپورونه وايي، دا په تېرو شلو کلونو کې امریکا ته د بریتانیا د یوه پاچا لومړنی رسمي سفر دی، چې د دواړو اوږدمهالو متحدینو ترمنځ د اړیکو د پیاوړتیا هڅه ګڼل کېږي.

پوتین د سیمې وضعیت ته په اشارې ویلې چې روسیه چمتو ده د منځني ختیځ د سولې او ثبات لپاره هر ډول ډیپلوماټیکې هڅې وکړي او هیله یې وښوده چې په نږدې راتلونکي کې به سوله ټینګه شي.

له بلې خوا د ایران د بهرنیو چارو وزیر عباس عراقچي وویل چې د ایران او روسیې اړیکې یو ستراتیژیک شراکت جوړوي چې دا به دوام وکړي او لا به هم پیاوړې شي.

د راپورونو له مخې، ایران او روسیې تېر کال د ۲۰ کلنې ستراتیژیکې همکارۍ تړون لاسلیک کړی او دواړه هېوادونه د انرژۍ، دفاع او سیمه‌ییز سیاست په برخو کې پراخې ګډې ګټې لري.

دغه لیدنه په داسې وخت کې شوې چې په منځني ختیځ کې د تاوتریخوالي او نړیوالو فشارونو کچه لوړه شوې او مسکو هڅه کوي د ډیپلوماسۍ له لارې د کړکېچ د کمېدو لپاره مثبت رول ولوبوي.

دغه بریدونه داسې مهال شوي، چې لاهم د اسراییل او حزب‌الله ترمنځ نازک اوربند پرځای دی؛ خو دواړه خواوې یو بل د اوربند په سرغړونې تورنوي. رویټرز راپور ورکړی، د اسراییل پوځ د لبنان «حایلي سیمې» خلکو ته خبرداری ورکړی چې له دغه سیمې او د سویلي لبنان له ځینو سیمو ووځي.

د اسراییل لومړي وزیر بنیامین نتنیاهو په بیت‌المقدس کې د کابینې یوې غونډه ته ویلي: «زموږ لپاره تر ټولو مهم د اسراییل او د خپلو سرتېرو امنیت او د خلکو خوندیتوب دی». هغه زیاته کړې، اسراییل به د هغو اصولو له مخې عمل کوي چې له امریکا او لبنان سره پرې هوکړه شوې ده.

بلخوا حزب‌الله ویلي، تر هغې به خپلو بریدونو ته دوام ورکړي؛ څو اسراییل خپل بریدونه او له اوربند څخه سرغړونې ونه دروي. راپورونه ښيي، چې د مارچ له پیل راهیسې د دواړو لورو ترمنځ په جګړو کې زرګونه کسان وژل شوي دي. که څه هم د امریکا په منځګړیتوب اوربند د تاوتریخوالي کچه راټیټه کړې؛ خو نښتې لاهم په بشپړ ډول نه‌دي درېدلې.

کېم جونګ اون په دغه لیدنه کې وویل، چې د شمالي کوریا ځواکونو او د روسیې پوځ یو کال مخکې د کورسک سیمه ازاده کړه او د دواړو هېوادونو همکاري به دوام ومومي.

هغه وویل: «د شمالي کوریا دولت به په راتلونکي کې هم په بشپړه توګه د د روسیې فدراسیون د هغو سیاستونو ملاتړ وکړي، چې د دغه هېواد د ملي حاکمیت، ځمکنۍ بشپړتیا، امنیت او ګټو د ساتنې لپاره دي».

د شمالي کوریا مشر زیاته کړه: «د روسیې پوځ او خلک به هرو مرو په خپلې عادلانه او سپېڅلې مبارزه کې بریالي شي». کېم همداراز د روسیې له مشرتابه د دواړو هېوادونو ترمنځ د اړیکو د پراختیا لپاره د هڅو مننه وکړه.

د شمالي کوریا رسمي خبري اژانس ویلي، چې د دغه هېواد مشر او د روسیې دفاع وزیر په خپله لیدنه کې «د نړۍوال او سیمه‌ییز کړکېچن وضعیت په اړه نظرونه تبادله کړل».