د ایران جګړې په نړۍ کې د برېښنایي موټرو تقاضا زیاته کړې
د امریکا او اسراییل له لوري د ایران پر ضد د جګړې له پیل وروسته د نړۍ په بېلابېلو هېوادونو کې د برېښنایي موټرو تقاضا زیاته شوې ده. د سون توکو د بیو لوړوالي خلک دې ته هڅولي، چې برېښنایي موټرو ته مخه کړي.
الجزیره وایي، چې د نړۍ دوه ستر اقتصادونه امریکا او چین کې د برېښنایي موټرو پلور زیات شوی دی. چینایي شرکتونو ویلي، چې په مارچ میاشت کې د دوی میاشتنی پلور ۸۲.۶ سلنه زیاتوالی موندلی دی.
په امریکا کې هم د تېرې میاشتې پرمهال د برېښنایي موټرو پلور له ۸۲زرو څخه اوښتی دی. دغه شمېر د تېر کال پرتله کم دی؛ خو د فبرورۍ میاشتې پرتله تر ۲۰ سلنې زیاتوالی ښيي.
د دوبۍ د استوګنې تود بازار هم چې د اوږدې مودې لپاره د نړۍ تر ټولو پیاوړو بازارونو څخه شمېرل کېده، اوس پهکې د فشار او ماتې نښې ښکاري. د بلومبرګ خبري شبکې په یوه راپور کې په دوبۍ کې د کورونو بیو راټیټېدو په اړه څېړنه کړې ده.
د راپور له مخې؛ په دوبۍ کې د کورونو بیې تر کرونا وبا وروسته د لومړي ځل لپاره راکمې شوې دي.
کارپوهان باور لري، چې د بیو دغه کمښت د امریکا او اسراییل له لوري له ایران سره د جګړې او د پانګهوالو د باور کمېدو مستقیمه پایله ده.
