ټاکل شوې چې د ازادو سیالیو (MMA) افغان لوبغاړی اسدالله عاصم به د جرمني په فرانکفورت ښار کې د دغه هېواد لوبغاړي حارث منصوري پر وړاندې ولوبېږي. دغه لوبه به د «We Love MMA» سازمان د ۸۸م پړاو سیالیو په لړ کې د ۱۴۰۵کال (د غبرګولې ۲مه) نېټه ترسره شي.
د «ټپالوژي» معتبرې وېبپاڼې د معلوماتو له مخې؛ د عاصم سیال د درېیو ثبت شویو لوبو ریکارډ لري، چې پایله یې دوه بریاوې او یوه ماتې ده. اسدالله عاصم شاوخوا دوه میاشتې مخکې د جرمني په اشتوتګارت ښار کې خپل سیال ته ماتې ورکړې وه.
دغه سیالي د عاصم لپاره یوه مهمه او جدي ازموینه بلل کېږي، ځکه د «We Love MMA» په څېر د اروپا په کچه په یوه مهم سازمان کې ګډون د دغه افغان لوبغاړي لپاره د ودې، تجربې ترلاسه کولو او لا پرمختګ ښه فرصت برابروي.
