پاکستان د کونړ پر ملکي سیمو او پوهنتون د برید ادعاوې رد کړې

حمدالله فطرت په خپل ایکس پیغام کې ویلي چې نن یو ځل بیا د پاکستاني فوځي رژیم له لوري د کونړ ولایت مرکز اسعداباد او د مرورې ولسوالۍ بېلابېلې سیمې په هاوانونو او توغندیو ویشتل شوي دي.

هغه ویلي، چې دغه بریدونه د ماسپښین شاوخوا دوه بجې پیل شوي او د سید جمال‌الدین افغان پوهنتون په ګډون د عامو خلکو کورونه هم پکې په نښه شوي دي.

فطرت زیاته کړې چې په دې بریدونو کې ۳۰ محصلین او ټول ۷۰ تنه عام وګړي، چې ښځې او ماشومان هم پکې شامل دي، ټپیان شوي دي. د هغه په وینا، څلور تنه نور وژل شوي دي.

هغه دغه بریدونه په سختو ټکو غندلي او ویلي یې دي چې دا د پاکستاني فوځي رژیم له لوري «نه بخښل کېدونکی جنګي جنایت، وحشت او پاروونکی عمل» دی، ځکه چې په وینا یې پکې ملکي وګړي، علمي او تحصیلي بنسټونه هدف ګرځول شوي دي.

په سیمه کې ازاد خبریال عبدالرزاق برق افغانستان انټرنشنل - پښتو ته ویلي، چې د چمن او سپین بولدک په سیمه کې سهار شاوخوا څلور بجې د دواړو لوریو د ځواکونو ترمنځ نښته پیل شوې، چې نږدې دوه ساعته یې دوام کړی دی. د راپور له مخې، دا نښته بیا د ورځې په شاوخوا ۱:۳۰ بجو یو ځل بیا تکرار شوې ده.

په سیمه کې عیني شاهدان وايي چې د درنو وسلو او توپچي ډزو غږونو د ډيورنډ کرښې دواړو غاړو ته ځایي خلکو کې ویره خپره کړې.

د راپور له مخې، د چمن اړوند د لقمان، جهانګیر، باچا کليو او حاجي غفورزۍ اوسېدونکو خپل کورونه پرېښي او خوندي سیمو ته کډه شوي دي.

بل لور ته، په چمن کې د روغتونونو له لوري بېړنی حالت اعلان شوی، خو روغتیايي سرچینې وایي چې تر اوسه کوم ټپي روغتون ته نه دی وروړل شوی.

پاکستاني پوځي سرچینو بیا ادعا کړې، چې نښته هغه مهال پیل شوه کله چې د افغانستان له لوري د تحریک طالبان پاکستان (ټي ټي پي) وسله‌والو د پاکستان خاورې ته د داخلېدو هڅه وکړه، چې په وینا یې امنیتي ځواکونو پرې ډزې وکړې. د دغو سرچینو په وینا، په نښته کې اته وسله‌وال وژل شوي دي.

خو ځایي اوسېدونکي بیا وایي چې د دواړو لورو له خوا د توپچي درنې ډزې سره تبادله شوي.

د راپورونو له مخې، د پولې په شاوخوا لسګونو کلیو کې د خلکو ترمنځ د وېرې او اضطراب فضا خپره شوې او ژوند په ټپه درېدلی دی.

د سفارت د معلوماتو له مخې، په دې کتنه کې دواړو لورو د ایران او افغانستان د سرحدي ولایتونو ترمنځ د همکاریو د پیاوړتیا پر پروګرامونو خبرې کړې دي.

خبرپاڼه زیاتوي، چې په دې ناسته کې د اقتصادي، سوداګریزو او سرحدي همکاریو د پراختیا پر موضوعاتو تمرکز شوی او دواړو خواوو د ګډو پروژو د عملي کېدو لپاره پر همغږۍ هوکړه کړې ده.

ایراني لوري ټینګار کړی، چې له افغانستان سره د سرحدي اړیکو پیاوړتیا د دواړو هېوادونو لپاره مهمه ده، او کولی شي د سیمې په کچه اقتصادي ودې او ثبات ته لاره هواره کړي.

د طالبانو د نیمروز والي له لوري هم د متقابلو همکاریو هرکلی شوی او ویل شوي، چې د دواړو ولایتونو ترمنځ همغږي به د سوداګرۍ او تګ راتګ په اسانتیا کې مهم رول ولوبوي.

محمد اکر خپلواک په ایکس خواله رسنۍ کې ویلي، چې پاکستان دا ځل پر یو علمي مرکز، د کونړ پر پوهنتون، برید کړی دی.

هغه دا اقدام د نړیوالو قوانینو او بشري اصولو ښکاره نقض بللی او ټینګار یې کړی چې دا ډول بریدونه یوازې د غندنې تر کچې نه شي محدودېدای.

خپلواک زیاته کړې، چې د دې ډول پېښو په وړاندې باید د نړیوالو بنسټونو او د بشري حقونو د ادارو له لارې جدي او عملي اقدامات ترسره شي.

هغه پر نړیوالې ټولنې غږ کړی چې د ملکي او علمي مرکزونو پر ضد د بریدونو موضوع جدي وڅېړي او د داسې کړنو مخنیوي لپاره لازم ګامونه واخلي.

د طالبانو د دفاع وزارت له خوا په خپره شوې خبرپاڼه کې ویلي، چې د دې قول اردو منسوبینو د پکتیا ولایت د څمکنیو ولسوالۍ د شهرنو په سایمه کې ځانګړي کشفي عملیات ترسره کړي دي.

د خبرپاڼې له مخې، په دغو عملیاتو کې ۵۸میله تفنګچې، یو شمېر مرمۍ او یوه عراده فیلډر موټر نیول شوي دي.

د طالبانو دفاع وزارت وایي چې، ددغه وسلو او مهماتو په تور یې دوه کسان هم نیولي دي.