بریټانیا د ایران سفیر د سفارت پر ټولنیزو رسنیو د ناسمو څرګندونو له امله احضار کړی
بریټانیا په لندن کې د ایران سفیر د سفارت پر ټولنیزو رسنیو د هغو څرګندونو له امله احضار کړی، چې لندن «ناسمې او تاوتریخوالي هڅوونکې» بللې دي.
د بریټانیا د بهرنیو چارو وزارت ویلي، چې له سفیر سره په کتنه کې ویل شوي چې د ایران سفارت باید داسې هر ډول خپرونې او اړیکې بندې کړي چې په بریټانیا یا نړیواله کچه د تاوتریخوالي د هڅونې په توګه تعبیرېدای شي.
د راپورونو له مخې، د ایران سفارت په خپل ټیلیګرام چینل کې له ایرانیانو غوښتي وو چې په بریټانیا کې د خپل هېواد د دفاع لپاره د یوه کمپاین برخه شي او د رضاکارۍ لپاره چمتووالی وښيي.
