د بحرین محکمې دوه افغانان سپاه پاسداران ته د جاسوسۍ په تور په عمري بند محکوم کړل

ندیم ویلي چې د پاکستان له لوري د ښځو، ماشومانو، محصلانو او بېګناه ملکي وګړو وژل او ټپي کیدل نه په اسلامي شریعت کې جواز لري او نه هم په نړیوالو قوانینو کې، چې دوی ورته درناوی لري.

ندیم زیاته کړې: «نور دې افغانان خلک نه ازمویي، افغانانو ډېرې قربانۍ ورکړې او له سختیو سره عادت دي، خو خپل هوډ او حوصله به له لاسه ور نه کړي.»

هغه زیاته کړې، چې « افغانانو نوې سا اخیستې او د خپل اسلامي نظام او هېواد جوړونې، د علم او اقتصاد پرمختګ ته متوجې شوي دي»، خو په وینا یې له همدې امله دښمنان ورته ستونزې جوړوي.

ندیم د سید جمال الدین افغاني پوهنتون له مسوولانو او استادانو غوښتي چې خپل علمي بهیر فعال وساتي، درسونو ته دوام ورکړي او د تدریسي بهیر د ځنډېدو مخه ونیسي.

د طالبانو د بهرنیو چارو وزارت نن سې شنبه، د غويي پر ۸مه په یوه اعلامیه کې وویل، چې د پاکستان شارژدافیر ته ویل شوي، چې د طالبانو بهرنیو چارو وزارت د افغانستان د هوايي حریم نقض او د ملکي وګړو پر وړاندې بریدونه په کلکو ټکو غندي او د هېواد د ځمکنۍ بشپړتیا څرګند نقض، د نړیوالو اصولو خلاف او پاروونکی عمل بولي.

طالبانو په اعلامیه کې د پاکستان هغه ادعاوې چې ګواکې تاوتریخوالی د افغانستان له لوري رامنځته شوی، رد کړې دي او غوښتنه یې کړې، چې د وضعیت ریښې باید په ځیر وڅېړل شي.

طالبانو یو ځل بیا خبرداری ور کړی، چې دوی د خپلې خاورې او خلکو د دفاع مشروع حق خوندي بولي او له پاکستاني لوري غواړي چې له ورته کړنو ډډه وکړي.

د طالبانو د بهرنیو چارو وزارت په اعلامیه کې راغلي، چې «پاکستان ته یو ځل بیا وریادوي چې د ورته بې‌مسوولیته کړنو دوام به ناوړه عواقب ولري».

طالبان داسې مهال په کابل کې د پاکستان شارژدافیر د بهرنیو چارو وزارت ته احضاروي چې تېره پاکستاني ځواکونو د کونړ پر مرکز او ولسوالیو د درندو وسلو بریدونه وکړل چې له امله یې ۷ تنه ملکیان وژل شوي او تر ۷۵ پورې نور ټپیان دي.

یوناما د پاکستان له نوم یادونې پرته ویلي، چې په اسعد اباد کې یې د پوهنتون په ګډون په بېلابېلو سیمو کې د لسګونو ملکي کسانو مرګ ژوبله مستنده کړې ده.

یوناما د وژل شویو او ټپیانو له کورنیو سره خپله خواخوږي ښودلې.

یوناما د وژل شویو او ټپي شویو کسانو شمېر نه دی یاد کړی، خو د افغانستان انټرنشنل د سرچینو په وینا، په دغو بریدونو کې اووه تنه وژل شوي او ۷۵ تنه نور ټپیان دي.

د جرمني چارواکو دغه کسان په بېلابېلو جرمونو لکه غلا، د مخدره توکو په قاچاق، ډله‌ییز جنسي تېري، وژنو او نورو جدي جرمونو تورن کړي دي.

ویل کېږي چې ځینې پناه کسان مستقیم له زندانونو څخه هوايي ډګر ته لېږدول شوي دي.

د جرمني د کورنیو چارو وزارت د سې شنبې په ورځ په یوه اعلامیه کې وویل، چې اخراج شوي کسان ټول نارینه دي.

په اعلامیه کې ویل شوي چې دغه کسان په جرمني کې د قانون له مخې په وتلو مکلف وو او د بېلابېلو جرمونو په تور محکوم یا تورن شوي وو.

د جرمني د کورنیو چارو وزارت په وینا، دا اقدام د جرمني د کورنیو چارو وزارت او په کابل کې د طالبانو ادارې ترمنځ د یوې عملي هوکړې پر بنسټ کېږي، څو د اخراج منظم بهیر ممکن شي.

همدارنګه ویل شوي چې دا اقدام د جرمني د حکومت د کډوالۍ د نوې تګلارې یوه برخه ده چې هدف یې د اخراج پروسې منظمول او سختول دي.

د جرمني د کورنیو چارو وزیر ویلي چې دا ډول اخراجونه د کډوالۍ د نوې پالیسۍ مهمه برخه ده او هغه کسان چې د جرمني له قوانینو سرغړونه کوي او جرمونه کوي، باید له هېواده وویستل شي.

هغه ویلي چې حکومت به یې دا لړۍ لا پسې پراخه کړي.

دا د جرمني د اوسني حکومت تر واک لاندې درېیم لوی ډله‌ییز اخراج دی. وړاندې هم په تېرو میاشتو کې ورته الوتنې شوې وې.

د بشري حقونو سازمانونه پر دا ډول اخراجونو نیوکې کوي او وایي چې په افغانستان کې بشري وضعیت کړکېچن دی او دا ډول شړنې د بشري حقونو د سرغړونو ګواښونه ډېروي.

د طالبانو دفاع وزارت نن سې شنبه، د غويي پر ۸مه وویل، چې دغه لیدنه د پوځي وضعیت ارزونې او له مېشتو سرتېرو سره د خبرو لپاره شوې ده.

د طالبانو دفاع وزارت وايي، چې مالي خان صدیق په دغه سفر کې د افغانستان له ځمکنۍ بشپړتیا او ولسونو څخه د دفاع په اړه لازمې لارښوونې وکړې.

نوموړي ټینګار کړی چې د دفاع وزارت ټول مسوولان او سرتېري د طالبانو ادارې د استحکام او د افغانستان ځمکنۍ بشپړتیا ته ژمن دي.

مالي خان صدیق پر اسعد اباد د پاکستان له بریدونو یوه ورځ وروسته اسعد اباد ته تللی دی.

نن هم د کونړ پر خاص کونړ ولسوالۍ پاکستان بریدونه کړي، خو طالبانو تراوسه ددغو بریدونو ځواب نه دی ور کړی.