محکمې د سویلي کوریا پخوانۍ لومړۍ مېرمنې ته د څلور کلن بند سزا واوروله

د راپورونو له مخې؛ یادې محکمې د هغې سزا زیاته کړې او وروستۍ پرېکړه یې د څلورو کلونو بند په توګه اعلان کړې ده. دغه پرېکړه داسې مهال شوې، چې په سویلي کوریا کې د لوړپوړو چارواکو پر وړاندې د فساد قضیه تل د پام وړ موضوع پاتې شوې ده.
تر دې وړاندې د سویلي کوریا ځانګړي څارنوال د دغه هېواد پخواني ولسمشر یون سوک یول لپاره د ۱۰ کلن بند سزا غوښتنه کړې وه. نوموړی تېرکال د ډسمبر په درېیمه نېټه د پوځي حکومت د اعلانولو له امله د خلکو له پراخو غبرګونونو سره مخ شو.

هغه د سویلي کوریا په تاریخ کې لومړی ولسمشر دی، چې د خپلې کاري دورې تر بشپړېدو وړاندې نیول کېږي. یون سوک یول د ډسمبر په درېیمه نېټه د څو ساعتونو لپاره پوځي حکومت اعلان کړ، چې د هغه دغه پرېکړه د خلکو او د پارلمان د استازو د پراخو غبرګونونو سره مخامخ شوه او له هغې وروسته یې پر وړاندې د سیاسي نا کراریو څپه راوپارېده. د سویلي کوریا پارلمان هغه د ډسمبر په ۲۴مه استیضاح او له واکه لرې کړ.