ټاکل شوې ده، چې د افغانستان د پاورلفټېنګ ملي لوبډله د «World Cup Series Belarus 2026» په نړۍوالو سیالیو کې برخه واخلي. دغه سیالۍ به د ۲۰۲۶کال د مئ له ۶مې تر ۱۰مې پورې د بېلاروس په پلازمېنې مېنسک ښار کې د «چیزهوفکا ارنا» په ورزشي کمپلېکس کې ترسره شي.
دغه سیالۍ د بېلابېلو ورزشي څانګو او په ځانګړې توګه د پاور لفټېنګ په برخه کې د خورا معتبرو نړۍوالو سیالیو څخه دي، چې د بېلابېلو هېوادونو لوبغاړي به پهکې برخه واخلي.
د افغانستان ملي لوبډله چې د تجربه لرونکو او ځوانو لوبغاړو ترکیب لري، په دغه سیالیو کې په بشپړ چمتووالي سره برخه اخلي او موخه یې د نړۍوالو ویاړونو ګټل، د نويو ریکارډونو جوړول او په نړۍواله کچه د افغانستان استازیتوب دی.
د یادې ډلې مسوولانو هیله څرګنده کړې، چې په دغه سیالیو کې ګډون کولی شي د افغانستان د پاور لفټېنګ د ودې او پرمختګ لپاره یو مهم ګام وي او په نړۍواله کچه د یادې برخې دریځ پیاوړی کړي.
