د امریکا د بهرنیو چارو وزارت د ټرمپ له انځور سره یادګاري پاسپورټونه وېشي
د امریکا د بهرنیو چارو وزارت د سې شنبې په ورځ وویل چې د خپلواکۍ د ۲۵۰مې کلیزې په مناسبت د ټرمپ له انځور سره مل یو شمېر محدود یادګاري پاسپورټونه چاپوي.
د بهرنیو چارو وزارت ویاند ټامي پیګوټ ویلي چې د دغه هېواد د خپلواکۍ د ۲۵۰مې کلیزې په مناسبت به محدود شمېر یادګاري پاسپورټونه خپاره کړي.
دا ځانګړي پاسپورټونه به د جولای میاشتې د مراسمو په ترڅ کې وړاندې شي او یوازې محدود شمېر به یې د واشنګټن د پاسپورټ ادارې له لارې خلکو ته ورکړل شي.
